ହାଇଦ୍ରାବାଦ: ଦି କପିଲ ଶର୍ମା ଶୋ' କୁ ଦର୍ଶକ ଖୁବ ପସନ୍ଦ କରନ୍ତି । କପିଲ ଓ ସୁନୀଲଙ୍କ ଯୋଡି ଛୋଟ ପରଦା ଉପରେ ସବୁବେଳେ ହିଟ ଥିଲା ମାତ୍ର ଏବେ ଶୋ' ରେ ଏହି ଯୋଡିକୁ ଦେଖିବାକୁ ମିଳୁନି । ପରସ୍ପର ଭିତରେ ଚାଲିଥିବା ଝଗଡା କାରଣରୁ ସୁନୀଲ ଗ୍ରୋଭରଙ୍କୁ ଶୋ' ରେ ଦେଖିବାକୁ ମିଳୁନି ।
ତେବେ ଏହା ଭିତରେ ଅନେକ ଚର୍ଚ୍ଚା ଚାଲିଥିଲା କି ଶୋ' କୁ ଫେରିପାରନ୍ତି ସୁନୀଲ ମାତ୍ର ଏବେ ସମସ୍ତ କଳ୍ପନା ଜଳ୍ପନାର ଅନ୍ତ ହୋଇଛି । ନିଜେ ସୁନୀଲ ଏନେଇ ସ୍ପଶ୍ଟ କରିଛନ୍ତି କି ଶୋ' କୁ ଫେରିବା ପାଇଁ ତାଙ୍କର ଇଚ୍ଛା ନାହିଁ । ଏପିରିକି ସେ 'ଦି କପିଲ ଶର୍ମା ଶୋ'ର ଗୋଟେ ବି ଏପିସୋଡ ଦେଖୁନାହାଁନ୍ତି ।
ତେବେ ମଝିରେ ଶୁଣିବାକୁ ମିଳିଥିଲା ଶୋ' ର ପ୍ରଯୋଜକ ସଲମାନ ଖାନ ସୁନୀଲଙ୍କୁ ଫେରାଇ ଆଣିବାକୁ ଚେଷ୍ଟା କରୁଛନ୍ତି ମାତ୍ର ସୁନୀଲ କହିଛନ୍ତି ସଲମାନଙ୍କ କଥାକୁ ମୁଁ କେବଳ ଉପଦେଶ ଭାବରେ ଗ୍ରହଣ କରିବି । ଏପରିକି ସୁନୀଲ ନିକଟରେ ଶୋ' କୁ ଅତିଥି ହିସାବରେ ଭାରତ ଫିଲ୍ମର ପ୍ରମୋଶନ ପାଇଁ ଆସିଥିଲେ ।
ଫିଲ୍ମ ବିଷୟରେ କହିବାକୁ ଗଲେ ସୁନୀଲ ଫିଲ୍ମ 'ପଟାକା'ରେ ଶେଷ ଥର ପାଇଁ ନଜର ଆସିଥିଲେ । ଆଗମୀ ଜୁନ 5ରେ ସଲମାନ ଖାନ ଅଭିନିତ ଫିଲ୍ମ 'ଭାରତ'ରେ ନଜର ଆସିବେ ।
