ହାଇଦ୍ରାବାଦ: ଟେଲିଭିଜନର କେତେକ ସିରିଏଲକୁ ଦର୍ଶକ କାଫି ପସନ୍ଦ କରୁଛନ୍ତି । ସେଥିମଧ୍ୟରୁ ଗୋଟେ ସିରିଏଲ ହେଲା ‘ରାଧାକୃଷ୍ଣ’। ସିରିଏଲର ରେଟିଙ୍ଗ୍ସ ସବୁବେଳେ ଉପରେ ଥାଏ । ତେବେ ସେଟରୁ ନୂଆ ଖବର ଶୁଣିବାକୁ ମିଳୁଛି । ରିଲ ଲାଇଫର ରାଧାକୃଷ୍ଣ ଏବେ ରିଅଲ ଲାଇଫର ପାର୍ଟନର ମଧ୍ୟ ।
ରିପୋର୍ଟମୁତାବକ, କୃଷ୍ଣ ଚରିତ୍ରରେ ଥିବା ସୁମେଧ ମୁଦଗଲକର ଓ ରାଧା ଚରିତ୍ରରେ ଥିବା ମଲ୍ଲିକା ସିଂହ ରିଅଲ ଲାଇଫରେ ପରସ୍ପରଙ୍କୁ ଡେଟ କରୁଛନ୍ତି । ଟିଭିର ଏ ଯୋଡିକୁ ଦର୍ଶକ ଖୁବ ପସନ୍ଦ କରନ୍ତି । ତେବେ ସିରିଏଲର ସୁଟିଂ ସମୟରେ ଉଭୟ ପରସ୍ପର ପ୍ରତି ଥିବା ଭଲପାଇବାକୁ ପ୍ରକାଶ କରିଛନ୍ତି ।
ସୂଚନାଯୋଗ୍ୟ, ସୁଟିଂରୁ ଟିକେ ସମୟ ମିଳିଲେ ପରସ୍ପର ସହ ସମୟ ଅତିବାହିତ କରୁଛନ୍ତି । ତେବେ ଦୁହିଁଙ୍କ ସମ୍ପର୍କକୁ ପସନ୍ଦ କରୁନାହାଁନ୍ତି ମଲ୍ଲିକାଙ୍କ ମା । ତେଣୁ ସୁଟିଂ ସେଟରେ ଝିଅ ମଲ୍ଲିକାଙ୍କ ଉପରେ ନଜର ରଖୁଛନ୍ତି । ତେବେ ଏ ବିଷୟରେ ଦୁହେଁ କିଛି କହନଥିବା ବେଳେ ଦୁହିଁଙ୍କ ମଧ୍ୟରେ କିଛି ଅଛି ଅନୁମାନ କରାଯାଉଛି ।
