ମୁମ୍ବାଇ: ଟିଭିର ସବୁଠାରୁ ବିବାଦିତ ରିୟାଲିଟି ଶୋ ବିଗ ବସ 13ରେ ପୁଣିଥରେ ଜବରଦସ୍ତ ଝଗଡା ଦେଖିବାକୁ ମିଳିଛି। ଚଳିତ ସପ୍ତାହ ଲଢେଇ, ଝଗଡା ସହ କିଛି ଏମିତି ଘଟିଥିଲା । ଯାହାକୁ ଦେଖି ସଲମାନଙ୍କ ହୋସ ଉଡିଯାଇଥିଲା।
ବିଗ ବସ ହାଉସର ସବୁଠାରୁ ଚର୍ଚ୍ଚିତ ପ୍ରତିଯୋଗୀ ସିଦ୍ଧାର୍ଥ ଶୁକ୍ଲା ଓ ରଶ୍ମି ଦେସାଇଙ୍କ ମଧ୍ୟରେ ଝଗଡା ଭୟଙ୍କର ରୂପ ନେଇଛି । ଏହି ଯୋଡିଙ୍କ ଝଗଡା ଶୋରେ ପ୍ରାୟତଃ ଦେଖିବାକୁ ପାଉଛନ୍ତି ଦର୍ଶକ। ଏଥର କିନ୍ତୁ କଥା କଥାରେ ରଶ୍ମି ଚା କପ୍ ସିଦ୍ଧାର୍ଥଙ୍କ ଉପରୁ ପିଙ୍ଗି ଦେଇଥିଲେ । ସିଦ୍ଧାର୍ଥ ମଧ୍ୟ ପ୍ରତି ଜବାବ ଦବାକୁ ଯାଉ ରଶ୍ମିଙ୍କ ଉପରକୁ କପ ପକାଇଥିଲେ । ଏହି କଥାକୁ ଆଧାର କରି ଦୁଇଜଣଙ୍କ ମଧ୍ୟରେ ଭୀଷଣ ଝଗଡା ଆରମ୍ଭ ହୋଇଥିଲା । ଯାହାର ଭିଡିଓ କଲର୍ସ ଚ୍ୟାନେଲର ଇନଷ୍ଟାଗ୍ରାମରେ ସେୟାର କରାଯାଇଛି ।
ଦୁଇଜଣଙ୍କ ଝଗଡା ଅନ୍ୟପଟେ ଲାଗିଥିବା ଏକ ସ୍କ୍ରିନରେ ଦେଖିଥିଲେ ସଲମାନ । ଆଉ ସଲମାନଙ୍କ ଚେହେରା ଦେଖି ଲାଗୁଥିଲା ଯେ ପ୍ରତିଯୋଗୀଙ୍କ ଏପରି ବ୍ୟବହାରରେ କ୍ରୋଧିତ ହୋଇଯାଇଛନ୍ତି । ଏହାପରେ ୱିକେଣ୍ଡ କା ୱାରରେ ଦୁଇଜଣଙ୍କ ଖୁବ୍ କ୍ଲାସ ନେବା ସହ ଶୋ ପାଇଁ ଅନ୍ୟ ହୋଷ୍ଟ ଚୟନ କରିବାକୁ ମେକର୍ସଙ୍କ କହିଲେ । ତାଙ୍କ ଅନୁଯାୟୀ ଯେଉଁ ଶୋରେ ସିଦ୍ଧାର୍ଥ ଓ ରଶ୍ମି ଭଳି ପ୍ରତିଯୋଗୀ ଅଛନ୍ତି ସେ ଏଭଳି ଶୋ କରିବାକୁ ଚାହୁଁନାହାଁନ୍ତି । ଆପଣ ମଧ୍ୟ ଦେଖନ୍ତୁ ଏହି ଭିଡିଓ....
- " class="align-text-top noRightClick twitterSection" data="
">
