ମୁମ୍ବାଇ: ଏହି ୱିକେଣ୍ଡରେ ଛୋଟ ପରଦାର ରିୟାଲିଟି ଶୋ ବିଗ ବସ 13ରୁ ଅଭିନେତ୍ରୀ କୋଏନା ମିତ୍ର ଓ ଦିଲଜିତ କୌର ଆଉଟ ହୋଇଯାଇଛିନ୍ତି । ରବିବାର ୱିକେଣ୍ଡ ୱାରରେ କୋଏନାଙ୍କ ଯୁକ୍ତିତର୍କ ପ୍ରତିଯୋଗୀ ଶେହନାଜ ଗିଲଙ୍କ ସହ ହୋଇଥିଲା । ଯେଉଁଠାରେ ଶୋର ହୋଷ୍ଟ ତଥା ବି-ଟାଉନର ସଲୁ ମିଆଁ ସଲମାନ ଖାନ, ଶେହନାଜଙ୍କ ସପୋର୍ଟରେ ଭାରିଥିଲେ । ସେପଟେ ସଲମାନଙ୍କ ଏହି ବ୍ୟବହାର ୟୁଜର୍ସଙ୍କୁ ଆଦୌ ପସନ୍ଦ ଆସିନାହିଁ । ୟୁଜର୍ସଙ୍କ ଅଭିଯୋଗ ହେଲା କି ସଲମାନ ପଞ୍ଜାବର କ୍ୟାଟ୍ରିନା କୈଫଙ୍କ ଫେଭରରେ ଅଛନ୍ତି ।
କଥାଟି ହେଲା କି ଏକ ଟାସ୍କ ରେ ବିଗ ବସ ପ୍ରତିଯୋଗୀ ପରସ୍ପରଙ୍କ ମୁଣ୍ଡରେ ଲାଗିଥିବା ବେଲୁନ ଫୁଟାଇ ତାଙ୍କ ଭୁଲ ଧାରଣ ଦୂର କରିବାର ଥିଲା । ଶେହନାଜ ଓ କୋଏନା ପରସ୍ପରର ବେଲୁନ ଫୁଟାଇଥିଲେ । ଆଉ କୋଏନା କହିଥିଲେ କି ଶେହନାଜ ଘରେ ସମସ୍ତଙ୍କ ମଜାକ ଉଡାଉଛନ୍ତି । ସେ ସମସ୍ତଙ୍କୁ ନେଇ ଜଜମେଣ୍ଟ ପାସ୍ କରୁଛନ୍ତି ।
ଯାହାପରେ ସଲମାନ, ଶେହନାଜଙ୍କ ପକ୍ଷ ନେଇଥିଲେ । ସେ କହିଥିଲେ ଶେହନାଜ ଘରେ ସମସ୍ତଙ୍କ ନକଲ କରୁଛନ୍ତି । ଯଦି ସେ ଏପରି କରୁଛନ୍ତି ତେବେ ଆପଣ ମଧ୍ୟ କମ ନୁହଁନ୍ତି । ତାଙ୍କର ଏହି କଥାରେ ଏବେ ରାଗିଯାଇଛନ୍ତି ସୋସିଆଲ ମିଡିଆର ୟୁଜର୍ସ । ବର୍ତ୍ତମାନ ସଲମାନଙ୍କୁ ନେଇ ସୋସିଆଲ ମିଡିଆରେ ୟୁଜର୍ସଙ୍କ ରାଗଭରା କମେଣ୍ଟ ଦେଖିବାକୁ ମିଳୁଛି ।
