ମୁମ୍ବାଇ: ଭାରତରେ ପହଞ୍ଚିଲେ ୨୦୨୧ ବ୍ରହ୍ମାଣ୍ଡ ସୁନ୍ଦରୀ ବିଜେତା ହରନାଜ ସାନ୍ଧୁ (Miss Universe 2021 winner) । ଗତକାଲି ମୁମ୍ବାଇର ଏୟାର ପୋର୍ଟରେ ପହଞ୍ଚିବା ପରେ ତାଙ୍କୁ ସ୍ବାଗତ କରାଯାଇଥିଲା । ଏନେଇ ସମସ୍ତଙ୍କୁ ସେ ଧନ୍ୟବାଦ ଜଣାଇଥିଲେ ହରନାଜ ।
ଗତ ୧୩ ତାରିଖ ଦିନ ୮୦ ଜଣ ପ୍ରତିଯୋଗୀଙ୍କୁ ପଛରେ ପକାଇ ବ୍ରହ୍ମାଣ୍ଡ ସୁନ୍ଦରୀ ହୋଇଥିଲେ ଭାରତ ହରନାଜ ସନ୍ଧୁ । ମାତ୍ର ୨୧ ବର୍ଷ ବୟସରେ ସେ ବିଜେତା ହେବା ସହ ଦୀର୍ଘ ୨୧ ବର୍ଷ ପରେ ଭାରତକୁ ମିଳିଥିଲା ବ୍ରହ୍ମାଣ୍ଡ ସୁନ୍ଦରୀ ତାଜ୍ । ଇସ୍ରାଏଲରେ ଅନୁଷ୍ଠିତ ୭୦ତମ ମିସ ୟୁନିଭର୍ସ ପ୍ରତିଯୋଗିତାରେ ବାଜି ମାରିଥିଲେ ଭାରତର ଝିଅ ହରନାଜ ସାନ୍ଧୁ । ମେକ୍ସିକୋର ଆଣ୍ଡିଆ ମେଜା ହରନାଜଙ୍କୁ ବିଜୟ ମୁକୁଟ ପିନ୍ଧାଇଥିଲେ । ଏହି ଟାଇଟେଲର ବିଜେତା ହେବା ପରେ ହରନାଜଙ୍କୁ ଶୁଭେଚ୍ଛାର ସୁଅ ଛୁଟୁଛି ।
ପ୍ରକାଶ ଥାଉ କି, ହରନାଜଙ୍କ ପୂର୍ବରୁ ୧୯୯୪ରେ ସୁସମିତା ସେନ ଓ ଏହାର ୬ ବର୍ଷ ପରେ ୨୦୦୦ ମସିହାରେ ଲାରା ଦତ୍ତ ବ୍ରହ୍ମାଣ୍ଡ ସୁନ୍ଦରୀ ହୋଇଥିଲେ । ଆଉ ଦୀର୍ଘ ୨୧ ବର୍ଷ ପରେ ହରନାଜ ସିନ୍ଧୁ ଏହି ସଫଳତା ଆଣିଛନ୍ତି ।
