ହାଇଦ୍ରାବାଦ: ଏବେ ଚାରିଆଡେ କପିଲ ଶର୍ମାଙ୍କ କ୍ରେଜ । ଏକ ନୂଆ ଶୋ' ଜରିଆରେ କମେଡି କିଙ୍ଗ କପିଲ ଶର୍ମା ଏବେ ଡିଜିଟାଲ ପ୍ଲାଟଫର୍ମକୁ ଏଣ୍ଟ୍ରି ମାରିବାକୁ ଯାଉଛନ୍ତି । କପିଲ ଷ୍ଟାଣ୍ଡ ଅପ କମେଡି ବେସରେ ଶୋ' କରିବେ । ଏଥିରେ ନୂଆ କମେଡିଆନ ମାନଙ୍କୁ ସୁଯୋଗ ଦିଆଯିବ ଓ ଯେଉଁମାନଙ୍କ କମେଡି ଦର୍ଶକଙ୍କ ମନକୁ ଛୁଇଁବ । ସେମାନଙ୍କୁ ‘ଦି କପିଲ ଶର୍ମା ଶୋ’ରେ କମେଡି କରିବାକୁ ସୁଯୋଗ ଦିଆଯିବ । ତେବେ ଏନେଇ କୌଣସି ଅଫିସିଆଲ ଘୋଷଣା କରାଯାଇନାହିଁ ।
ଡିଜିଟାଲ ଯୁଗରେ ସମସ୍ତେ ଏବେ ଡିଜିଟାଲ ମୁହାଁ । ୱେବ ସିରିଜ ଦେଖିବାକୁ ଆଜିକାଲି ସମସ୍ତେ ପସନ୍ଦ କରୁଛନ୍ତି । ତେବେ କପିଲ ଛୋଟ ଓ ବଡ ପରଦା ପରେ ଡିଜିଟାଲ ପ୍ଲାଟଫର୍ମକୁ ଆସିଗଲେ ଦର୍ଶକଙ୍କ ମନରେ ରାଜ କରିବେ କମେଡି କିଙ୍ଗ ।
ଗତବର୍ଷ କପିଲଙ୍କ ଶୋ କିଛି ଦିନ ଚାଲିବା ପରେ ବନ୍ଦ ହୋଇଯାଇଥିଲା । ଏହାପରେ ଲାଗୁଥିଲା କପିଲଙ୍କ କ୍ୟାରିୟର ଏଇଠୁ ସମାପ୍ତ ହୋଇଯିବ । ମାତ୍ର କପିଲ କିଛି ପାଦ ପଛକୁ ଯାଇ ଲମ୍ବା କୁଦା ମାରିଥିଲେ ଛୋଟ ପରଦାକୁ । ତେବେ ଏବେ ଦି କପିଲ ଶର୍ମା ଶୋ ଟିଆରପି ଲିଷ୍ଟରେ ଉପରେ ରହିଛି ।
