ମୁମ୍ବାଇ: ଷ୍ଟାର ପ୍ଲସର ଲୋକପ୍ରିୟ ଧାରାବାହିକ ‘କାହାନୀ ଘର ଘର କି’ ଅଭିନେତା ସଚିନ କୁମାରଙ୍କ ଆକସ୍ମିକ ମୃତ୍ୟୁରେ ଭାବବିହ୍ବଳ ଟିଭି ଇଣ୍ଡଷ୍ଟ୍ରି । 42 ବର୍ଷିୟ ସଚିନଙ୍କ ଦେହାନ୍ତ ହୃଦଘାତରେ ହୋଇଛି। ସେ ଖିଲାଡି ଅକ୍ଷୟ କୁମାରଙ୍କ ସମ୍ପର୍କୀୟ ଭାଇ ଥିଲେ। ସେ ଅକ୍ଷୟଙ୍କ ପିଉସି ପୁଅ । ସେ କିଛି ଧାରାବାହିକ କଲା ପରେ ଅଭିନୟ ଛାଡି ଫଟୋଗ୍ରାଫିରେ ନିଜ କ୍ୟାରିୟର ନିର୍ମାଣ କରିଥିଲେ। ତାଙ୍କ ଇନଷ୍ଟାଗ୍ରାମରେ ଅନେକ କଳାକାରଙ୍କ ସହ ଅକ୍ଷୟଙ୍କ ମଧ୍ୟ ଫଟୋସୁଟ ଫଟୋ ଦେଖିବାକୁ ମିଳୁଛି।
ତାଙ୍କ ନିଧନରେ ଅନେକ କଳାକାର ସୋସିଆଲ ମିଡିଆରେ ଦୁଃଖ ପ୍ରକାଶ କରିଛନ୍ତି । ଫିଲ୍ମ କ୍ରିଟିକ ସଲିଲ ସାଦ ଟ୍ବିଟ କରି ଲେଖିଛନ୍ତି, ‘ଆମେ ଏକାଠି କାମ କରିଥିଲେ । ଆଉ ଏବେ ଜଣା ପଡିଲା କି ତୁମ ଆଉ ଏ ଦୁନିଆରେ ନାହଁ।’
ସେହିପରି ଫେମସ କଷ୍ଟ୍ୟୁମ ଡିଜାଇନ ନିଖତ ମରିୟମ ଟ୍ବିଟ କରି ଲେଖିଛନ୍ତି, ‘ଯଦି ଏହି ଦୁନିଆ ମିଳିବି ଯାଉଛି ତାହାଲେ କଣ ଅଛି ? କଣ କହିବି ମୁଁ । ନମନ ଆପଣଙ୍କୁ ସଚିନ କୁମାର।’
ପ୍ରକାଶ ଥାଉକି ସଚିନ ‘କାହାନୀ ଘର-ଘର କି’ ଓ ‘ଲଜ୍ୟା’ ଭଳି ଧାରାବାହିକରେ ନେଗେଟିଭ ରୋଲ କରି ସମସ୍ତଙ୍କ ମନ କିଣିଥିଲେ। ଆଉ ଏହି ଦୁଇ ଧାରାବାହିକ ଟିଭିର ପପୁଲାର ସିରିୟଲ ମଧ୍ୟରୁ ଅନ୍ୟତମ।
