ମୁମ୍ବାଇ: ଲକଡାଉନରେ ଓଟିଟି ପ୍ଲାଟଫର୍ମର ଅନେକ ଚାହିଦା ପାଲଟିଛି । ନୂଆ ୱେବ ସିରିଜ ସହ ଅନେକ ହିନ୍ଦୀ ଫିଲ୍ମ ମଧ୍ୟ ରିଲିଜ ହୋଇଛି । ଲୋକପ୍ରିୟତା ଦେଖି ଏହି ଦୁଇ ମାସରେ ବହୁତ ୱେବ ସିରିଜ ଲଞ୍ଚ ହୋଇଛି । ଏହା ଭିତରେ କିଛି ସିରିଜ ଦର୍ଶକଙ୍କ ମଧ୍ୟରେ ଖୁବ୍ ଆଦୃତ ହୋଇଛି ।
ନିକଟରେ ମେ 15ରେ ରିଲିଜ ହୋଇଛି ଅନୁଷ୍କା ଶର୍ମାଙ୍କ ପ୍ରଯୋଜନାରେ ନିର୍ମିତ ପାତାଲ ଲୋକ । ଯାହାକୁ ଦର୍ଶକ ଖୁବ୍ ପ୍ରଶଂସା କରିଛନ୍ତି । ଏହାର କାହାଣୀ ଓ ପ୍ରତି କଳାକାରଙ୍କ ଆକ୍ଟିଂ ଲୋକଙ୍କ ମନକୁ ଛୁଇଁଛି । ବିଶେଷ କରି ଲିଡ୍ ଆକ୍ଟର ଜୟଦୀପ ଅହଲାୱତଙ୍କ ଆକ୍ଟିଂକୁ ସମସ୍ତେ ତାରିଫ କରିବା ସହ ଏହା ତାଙ୍କ କ୍ୟାରିୟରର ଶ୍ରେଷ୍ଠ ଅଭିନୟ ବୋଲି କହିଛନ୍ତି । ଏହା ଉପରେ ପ୍ରତିକ୍ରିୟା ଦେଇ ଜୟଦୀପ କହିଛନ୍ତି ଯେ ଦର୍ଶକଙ୍କ ଭଲ ପାଇବା ସବୁଠାରୁ ବଡ କଥା । ଲୋକଙ୍କୁ ସିରିଜ ପସନ୍ଦ ଆସିବା ପୁରା ଟିମର ସଫଳତା ହୋଲି ସେ କହିଛନ୍ତି ।
ଏହାସହ ସେ କହିଛନ୍ତି ପାତାଲ ଲୋକର ଦ୍ବିତୀୟ ଭାଗ ମଧ୍ୟ ଆସିବାର ଅନେକ ସମ୍ଭାବନା ରହିଛି । ମେକର୍ସଙ୍କ ପକ୍ଷରୁ ଦ୍ବିତୀୟ ସିଜିନର କାହାଣୀ ଲେଖା ମଧ୍ୟ ଆରମ୍ଭ ହୋଇଛି । ରିଲିଜର ମାତ୍ର 4 ଦିନ ମଧ୍ୟରେ ବିପୁଳ ସଫଳତା ପାର୍ଟ 2 ପାଇଁ ପ୍ରେରଣା ଯୋଗାଇଛି । ଯଦିଚ ପ୍ରଥମ ଭାଗରେ ରହସ୍ୟର ସମାଧାନ ହୋଇଛି ତଥାପି ଦ୍ବିତୀୟ ଭାଗରେ ଏକ ନୂଆ କାହାଣୀ ଆସିପାରେ । ଏଥିରେ ମଧ୍ୟ ସେ ହାତୀରାମ ଭୂମିକା କରିବାକୁ ଉତ୍ସାହିତ ବୋଲି ଜୟଦୀପ କହିଛନ୍ତି । ପ୍ରକାଶ ଥାଉ କି ପାତାଲ ଲୋକର କାହାଣୀ ଜଣେ ସାମ୍ବାଦିକଙ୍କ ମିଥ୍ୟା ମୃତ୍ୟୁ ଉପରେ ଆଧାରିତ । ଜୟଦୀପଙ୍କ ଭୂମିକା ଜଣେ ପୋଲିସ ଅଫିସରର ଏହି ବିବାଦୀୟ କେସକୁ ସମାଧାନ କରିବାର ଦାୟିତ୍ବ ନେଇଛି ।
