ମୁମ୍ବାଇ: ଦ କପିଲ ଶର୍ମା-2ର ନୂଆ ସିଜନ ଆସିବାକୁ ଯାଉଛି । ନିକଟରେ ଏହି ଶୋ’ର ଏକ ପ୍ରୋମୋ ରିଲିଜ ହୋଇଛି । ଯେଉଁଥିରେ ଶୋ’ରେ ଥିବା ସମସ୍ତ ଅଭିନେତା ଓ ଅଭିନେତ୍ରୀ ନଜର ଆସିଥିଲେ ମାତ୍ର ପ୍ରୋମୋରେ ଅଭିନେତ୍ରୀ ସୁମୋନା ଚକ୍ରବର୍ତ୍ତୀ ନଜର ଆସିନାହାନ୍ତି । ଯାହାକୁ ନେଇ ସୁମୋନା କପିଲ ଶର୍ମା ଶୋ’ ଛାଡି ଦେଇଥିବା ଚର୍ଚ୍ଚା ଜୋର ଧରିଛି ।
ତେବେ ନିକଟରେ ସୁମୋନା ଇନଷ୍ଟାଗ୍ରାମରେ ଏକ ପୋଷ୍ଟ କରିଛନ୍ତି । ପୋଷ୍ଟରେ ସେ ଏପରି କିଛି ଲେଖିଛନ୍ତି ଯାହାକୁ ନେଇ ସେ ଛାଡୁଥିବା କଥା ଟିକେ ସତ ଭଳି ଲାଗୁଛି । ସୁମୋନା ଲେଖିଛନ୍ତି, ‘‘ଅଗର ଆପ କିସି ଚୀଜ କୋ ଏକ ପ୍ରପର ଚାନ୍ସ ନେହି ଦେତେ ହୈ ତୋ, ଆପ ୟେ କଭି ନହି ଜାନ ପାଏଙ୍ଗେ କି ବୋ ଆପକେ ଲିଏ ହୈ ୟା ନହି... ଚାହେ ୱୋ ରିସ୍ତା ହୋ, ନୈ ନୋକରି ହୋ, ନୟା ସହର ହୋ ୟା ନୟା ଅନୁଭବ ହୋ, ଅପନେ ଆପକୋ ଇସମେଁ ପୁରୀ ତରହ ସେ ଝାଙ୍କଦେ ଅର୍ ନା ହଟେ’’ । ମାତ୍ର ଶୋ’ର ମେକର୍ସ ଏବଂ ସୁମନଙ୍କ ପକ୍ଷରୁ ଏହାକୁ ନେଇ ଅଫିସିଆଲ କୌଣସି କମେଣ୍ଟ ସାମ୍ନାକୁ ଆସିନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
