ମୁମ୍ବାଇ: ସଲମାନ ଖାନଙ୍କ ବିବାଦୀୟ ଶୋ ବିଗ ବସ 13 ଅନଏୟାର ହେବା 6 ସପ୍ତାହରୁ ଅଧିକ ହୋଇଗଲାଣି । ଏବେ ମଧ୍ୟ ବିଗ ବସ ହାଉସରେ ପ୍ରତିଯୋଗୀଙ୍କ ଝଗଡା ସବୁବେଳେ ଦେଖିବାକୁ ମିଳୁଛି । ଯାହା ଶୋର ଟିଆରପିକୁ ବଢାଇ ଚାଲିଛି । ଗତ ଏପିସୋଡରେ ବିଗ ବସ ହାଉସରେ ହୋଇଥିବା ନୋମିନେସନ ପ୍ରକ୍ରିୟା ସମୟରେ ଫେମସ ପ୍ରତିଯୋଗୀ ସିଦ୍ଧାର୍ଥ ଶୁକ୍ଲାଙ୍କ ବ୍ୟତୀତ ଆରତି ସିଂ, ରଶ୍ମୀ ଦେସାଇ, ଦେବୋଲିନା ଭଟ୍ଟାଚାର୍ଯ୍ୟ ଓ ଖେସରୀ ଲାଲ ଯାଦବ ହାଉସରୁ ଆଉଟ ହେବା ପାଇଁ ନୋମିନେଟ ହୋଇଛନ୍ତି ।
ଇତିମଧ୍ୟରେ ସୋସିଆଲ ମିଡିଆରେ ସିଦ୍ଧାର୍ଥ ଓ ରଶ୍ମୀଙ୍କ ଜୋରୋସୋର ଝଗଡା ଭାଇରାଲ ହେବାରେ ଲାଗିଛି । ଯାହା ବର୍ତ୍ତମାନ ଚର୍ଚ୍ଚାରେ ବିଷୟ ପାଲଟିଛି । ଗତ ଏପିସୋଡରେ କ୍ୟାପ୍ଟେଟ ଟାସ୍କ ଖାରଜ କରାଯିବାରୁ ବର୍ତ୍ତମାନ ବିଗ ବସ ହାଉସ ବିନା କ୍ୟାପ୍ଟେନରେ ଚାଲିଛି। ଏହି କାରଣରୁ ପ୍ରତିଯୋଗୀଙ୍କୁ ଅନେକ ସମସ୍ୟାର ସାମ୍ନା କରିବାକୁ ପଡୁଛି ।
ସୋସିଆଲ ମିଡିଆରେ କଲର୍ସ ଚ୍ୟାନେଲ ତରଫରୁ ଜାରି ହୋଇଥିବା ଭିଡିଓରେ ସବୁ ପ୍ରତିଯୋଗୀ ନିଜ ନିଜ କାମକୁ ନେଇ ପରସ୍ପରକୁ ଟାର୍ଗେଟ କରୁଥିବାର ନଜର ଆସୁଛନ୍ତି । ସେହିପରି ସିଦ୍ଧାର୍ଥ ଓ ରଶ୍ମୀ ରୋଷେଇ କରିବାକୁ ନେଇ ଖୁବ୍ ଝଗଡା କରୁଛନ୍ତି । ଏହି ଝଗଡା ମଧ୍ୟରେ ରଶ୍ମୀ, ସିଦ୍ଧାର୍ଥଙ୍କୁ ମୁର୍ଖ କହୁଥିବାର ଦେଖାଯାଉନ୍ତି । ଯାହାକୁ ନେଇ ଖୁବ୍ କ୍ରୋଧିତ ହୋଇଯାଇଛନ୍ତି ସିଦ୍ଧାର୍ଥ।
