ହାଇଦ୍ରାବାଦ: ଟେଲିଭିଜନର ପପୁଲାର ରିଆଲିଟି ଶୋ' ‘କୌନ୍ ବନେଗା କରୋଡପତି’ ଦର୍ଶକଙ୍କ ମଧ୍ୟରେ ବର୍ତ୍ତମାନ ପାଲଟିଛି ଚର୍ଚ୍ଚାର ବିଷୟ । କାରଣ ଏହାର 11ତମ ସଂସ୍କରଣକୁ ମିଳିଛି ଏହାର ପ୍ରଥମ କରୋଡପତି । ବିହାରର ସନୋଜ ରାଜ ଚଳିତ ସିଜିନର ବନିଛନ୍ତି ପ୍ରଥମ କୋଟିପତି । 15ଟି ପ୍ରଶ୍ନର ସଠିକ୍ ଉତ୍ତର ଦେଇ ଏକ କୋଟି ଟଙ୍କା ଜିତିଛନ୍ତି ସେ ।
ଭିଡିଓ ସୌଜନ୍ୟ: ଇନଷ୍ଟାଗ୍ରାମ
25 ବର୍ଷୀୟ ସନୋଜ ଜହାନାବାଦ ହୁଲାସଗଞ୍ଜର ଏକ ଛୋଟିଆ ଗ୍ରାମ ଢୋଙ୍ଗରାର ବାସିନ୍ଦା । ଆଇଏଏସ ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି ସନୋଜ । ଦିଲ୍ଲୀରେ ରହି ଏଥିପାଇଁ ସେ ପାଠ ପଢୁଛନ୍ତି । ତେବେ ମୋବାଇଲ ଆପ୍ ମାଧ୍ୟମରେ ସନୋଜଙ୍କୁ ଚୟନ କରାଯାଇଥିଲା । ପରେ ଟେଲିଫୋନିକ ଅଡିସନ୍ ଓ ଫେସ-ଟୁ-ଫେସ୍ ଅଡିସନ୍ ଦେଇ ହଟ୍ ସିଟରେ ବସିଥିଲେ ।
