ମୁମ୍ବାଇ: ସବୁବେଳେ ଚର୍ଚ୍ଚାରେ ରହୁଥିବା ରିଆଲିଟି ସୋ ବିଗବସ ଆରମ୍ଭର ସପ୍ତାହେ ପୂରିନଥିଲା ବେଳେ ଏଥିରେ ରହିଥିବା ପ୍ରତିଯୋଗୀ ଏବେ ଲାଇମଲାଇଟରେ ।
ନିକଟରେ 'ବିଗ୍ ବସ୍ 14'ର ପ୍ରତିଯୋଗୀ ତଥା ପଞ୍ଜାବୀ ଗାୟିକା ସାରା ଗୁରପାଲ କହିଛନ୍ତି ଯେ, ସେ ସୋ’ର ହୋଷ୍ଟ ତଥା ବଲିଉଡ ସୁପରଷ୍ଟାର ସଲମାନ ଖାନଙ୍କର ଜଣେ ବଡ଼ ପ୍ରଶଂସକ । କେବଳ ଏତିକି ନୁହେଁ, ସେ ସଲମାନଙ୍କ ସହ କାମ କରିବାକୁ ଇଚ୍ଛା ମଧ୍ୟ କରିଛନ୍ତି ।
ସାରା କହିଛନ୍ତି, ଯଦି ମୁଁ ସଲମାନଙ୍କ ସହ କାମ କରିବାର ସୁଯୋଗ ପାଏ, ତେବେ ମୁଁ ଖୁସିରେ ପାଗଳ ହେଇଯିବି । 'ବିଗ୍ ବସ୍' ପରି ଏକ ନ୍ୟାସନାଲ ପ୍ଲାଟଫର୍ମକୁ ଆସିବା ମୋ ପାଇଁ ଅତ୍ୟନ୍ତ ବଡ ସୌଭାଗ୍ୟର କଥା ଏବଂ ଏଥିପାଇଁ ମୁଁ ପଞ୍ଜାବୀ ଏଣ୍ଟରଟେନମେଣ୍ଟ ଇଣ୍ତଷ୍ଟ୍ରିରେ ନିଜ କାମକୁ ଶ୍ରେୟ ଦେଉଛି ।
ଆଜି ମୁଁ ଯେଉଁଠାରେ ଅଛି, ମୋର ସଫଳତା ପଛର କାରଣ ପଞ୍ଜାବ । ଆଉ ଏହା ସର୍ବପ୍ରଥମେ ସର୍ବଦା ରହିବ । ଫ୍ୟାନ୍ସ ମୋତେ ଜାଣନ୍ତି କାରଣ ମୁଁ ପଞ୍ଜାବରେ କାମ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
