ମୁମ୍ବାଇ: ପୁଣି ଟିଭି ଜଗତର ଆଉ ଏକ କପଲଙ୍କୁ ନେଇ ସାମ୍ନାକୁ ଆସିଲା ଗୁଡନ୍ୟୁଜ । ଯାହାଙ୍କ ଘରକୁ କୁନି ଅତିଥି ଆସିବାକୁ ଯାଉଛନ୍ତି । ଏହି ଯୋଡି ହେଲେ ଫେମସ ଆକ୍ଟର ସୁୟଶ ରାୟ ଓ କିଶ୍ବର ମର୍ଚାଣ୍ଟ । ଦୁଇଜଣ ସୋସିଆଲ ମିଡିଆରେ ଏହି ଖୁସି ସେୟାର କରିଛନ୍ତି ।
- " class="align-text-top noRightClick twitterSection" data="
">
ସୁୟଶ ଇନଷ୍ଟାଗ୍ରାମରେ ଫଟୋ ପୋଷ୍ଟ କରି କ୍ୟାପସନରେ ଲେଖିଛନ୍ତି, ‘ମୁଁ ତୁମ ଛୁଆର ବାପା ହେବି କିଶ୍ବର, ଆସିବେ ଏହି ଅଗଷ୍ଟରେ ।’ ସେହିପରି ଫଟୋରେ ଦୁଇଜଣ ସମୁଦ୍ର କୂଳରେ ଠିଆ ହୋଇଥିବାର ନଜର ଆସୁଛନ୍ତି । ଆଉ ରୋମାଣ୍ଟିକ ଅନ୍ଦାଜରେ କିଶ୍ବରଙ୍କୁ ଏମିତି କହିଛନ୍ତି ସୁୟଶ । ସମୁଦ୍ର ବାଲିରେ ଲେଖିଛନ୍ତି ‘ଅଗଷ୍ଟ 2021’ ।
- " class="align-text-top noRightClick twitterSection" data="
">
ସେପଟେ କିଶ୍ବର ମଧ୍ୟ ଏହି ଫଟୋକୁ ସେୟାର କରି ଲେଖିଛନ୍ତି, ‘ଏବେ ଆପଣମାନେ ମତେ ଏହା ପଚାରିବା ବନ୍ଦ କରିବେ କି ଆମେ ବାପା-ମା କେବେ ହେବୁ ।’ ଦୁଇଜଣଙ୍କ ଏହି ପୋଷ୍ଟରେ ଫ୍ୟାନ୍ସଙ୍କଠୁ ନେଇ ସେଲିବ୍ରିଟି ଫ୍ରେଣ୍ଡ ଶୁଭେଚ୍ଛା ଦେବା ଆରମ୍ଭ କରିଦେଇଛନ୍ତି ।
ପ୍ରକାଶ ଥାଉକି ସୁୟଶ ଓ କିଶ୍ବର 2016ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଦୁଇଜଣଙ୍କ ସାକ୍ଷାତ 2011ରେ ଧାରାବାହିକ ‘ପ୍ୟାର କି ଯେ ଏକ କାହାନୀ’ ସେଟରେ ହୋଇଥିଲା । ଯାହାପରେ ଆରମ୍ଭ ହୋଇଥିଲା ବନ୍ଧୁତା । ଆଉ ଦୀର୍ଘ ସମୟ ପର୍ଯ୍ୟନ୍ତ ପରସ୍ପରକୁ ଡେଟ କରିବା ପରେ ପରିଶେଷରେ ବିବାହ କରିଥିଲେ ଏହି ଯୋଡି । କିଶ୍ବର ପୂର୍ବରୁ ବିବାହିତା ମଧ୍ୟ ଥିଲେ ।
