ମୁମ୍ବାଇ: ବିଗ ବସ ସିଜନ 13ର ଗ୍ରାଣ୍ଡ ଫିନାଲେକୁ ଆଉ ଗୋଟିଏ ସପ୍ତାହ ବାକି ଅଛି । ଶୋରେ ଦିନକୁ ଦିନ ରୋମାଞ୍ଚ ବଢିଚାଲିଛି । ଏବେ ବିଗ ବସ ହାଉସରେ 7 ପ୍ରତିଯୋଗୀ ଅଛନ୍ତି । ଏହି ପ୍ରତିଯୋଗୀଙ୍କ ମଧ୍ୟରୁ 2 ପ୍ରତିଯୋଗୀଙ୍କୁ ଏଥର ‘ୱିକେଣ୍ଡ କା ୱାର’ ଏପିସୋଡରେ ବାହାର କରାଯିବାର ସମ୍ଭାବନା ଅଛି । ଏବେ ଶୋରେ ଲଡେଇ ଝଗଡା କମ ହୋଇଯାଇଛି ଆଉ ପ୍ରତିଯୋଗୀଙ୍କ ମଜାମସ୍ତି ଦେଖିବାକୁ ମିଳୁଛି ।
ଇତିମଧ୍ୟରେ ଅପକମିଂ ଏପିସୋଡର ଏକ ପ୍ରୋମୋ ଭିଡିଓ ଜାରି ହୋଇଯାଇଛି । ଯେଉଁଥିରେ ଏଙ୍ଗ୍ରୀମ୍ୟାନ ସିଦ୍ଧାର୍ଥ ଶୁକ୍ଲା ବିଗ ବସଙ୍କ ମିମିକ୍ରି କରୁଥିବାର ନଜର ଆସୁଛନ୍ତି । ଲିଭିଂ ରୁମରେ ବସିଥିବା ପ୍ରତିଯୋଗୀ ଆରତି ସିଂ, ରଶ୍ମି ଦେସାଇ ଓ ମାହିରା ଶର୍ମା ତାଙ୍କର ଏପରି ଅବତାର ଦେଖି ଖୁବ୍ ହସୁଥିବାର ଦେଖାଯାଉଛନ୍ତି ।
ସିଦ୍ଧାର୍ଥ ବିଗ ବସଙ୍କ ସ୍ବରରେ କଥା ହୋଇ ପ୍ରତିଯୋଗୀଙ୍କୁ ନୂଆ ଟାସ୍କ ଦେଉଛନ୍ତି । ଆଉ ସମସ୍ତଙ୍କ ମଜାକ ମଧ୍ୟ କରିଛନ୍ତି । ସିଦ୍ଧାର୍ଥଙ୍କ କମେଡି ଜରିଆରେ ବିଗ ବସ ହାଉସର ପରିବେଶ ଏଣ୍ଟରଟେନିଂ ହୋଇଯାଇଛି । ଆପଣ ମଧ୍ୟ ଦେଖନ୍ତୁ ସିଦ୍ଧାର୍ଥଙ୍କ ମସ୍ତିଭରା ଅନ୍ଦାଜ...
