ହାଇଦ୍ରାବାଦ: ନିଜ ଆଗାମୀ ୱେବ ସିରିଜ Aarya 2 ସମ୍ପର୍କରେ ବଡ ଖୁଲାସା କଲେ ବ୍ରହ୍ମାଣ୍ଡ ସୁନ୍ଦରୀ ସୁସ୍ମିତା ସେନ । ଏହି ଥ୍ରିଲର ଡ୍ରାମା ୱେବ ସିରିଜର ସେକେଣ୍ଡ ସିଜନ ସୁଟିଂ ପ୍ରାୟତଃ ଶେଷ ହୋଇଥିବା କହିଛନ୍ତି ସୁସ୍ମିତା । ଏହାର ପ୍ରଥମ ସିଜିନ ଗତବର୍ଷ ଜୁନ ମାସରେ Disney+ Hotstar ରେ ରିଲିଜ ହୋଇଥିଲା । ଉତ୍ତମ ଓ ପ୍ରଭାବଶାଳୀ ପ୍ରଦର୍ଶନ ପାଇଁ ଏହି ୱେବ ସିରିଜ ଦର୍ଶକଙ୍କ ଠାରୁ ମଧ୍ୟ ଭଲ ପ୍ରତିକ୍ରିୟା ମିଳିିଥିଲା ।
- " class="align-text-top noRightClick twitterSection" data="
">
ଶୁକ୍ରବାର ଦିନ ସୁସ୍ମିତା ଏକ ଇନଷ୍ଟାଗ୍ରାମ ଲାଇଭ ସେସନରେ ନିଜ ପରିବାର ସହ ଦ୍ବିତୀୟ ସିଜିନର ଖୁଲାସା କରି ଲେଖିଛନ୍ତି ଯେ Aarya ୱେବ ସିରିଜର ଏହି ସିଜନକୁ ମଧ୍ୟ ଦର୍ଶକ ପସନ୍ଦ କରିବେ ବୋଲି ଆଶା କରୁଛି । ଏହାର ଆଉ ଅଳ୍ପ କିଛି କାମ ବାକି ରହିଛି । ଯାହାକି ଖୁବଶୀଘ୍ର ଶେଷ ହେବ । ଆପଣମାନେ ଆର୍ୟ୍ୟାକୁ ଦେଇଥିବା ପ୍ରଶଂସା ଓ ଭଲ ପାଇବା ସବୁଠୁ ଗୁରୁତ୍ବପୂର୍ଣ୍ଣ । ଏହି ସେକେଣ୍ଡ ସିଜିନକୁ ମଧ୍ୟ ଆପଣ ଖୁବ୍ ପସନ୍ଦ କରିବେ । ତେବେ ଆପଣଙ୍କୁ ଏହି ସୁନ୍ଦର ସିରିଜ ପାଇଁ ଅପେକ୍ଷା କରିବାକୁ ପଡିବ ବୋଲି ସୁସ୍ମିତା କହିଛନ୍ତି ।
ପ୍ରଶଂସକଙ୍କ ତାଙ୍କ ପ୍ରତି ଥିବା ଭଲ ପାଇବା ଏବଂ ସମର୍ଥନ ପାଇଁ ସୁସ୍ମିତା ଧନ୍ୟବାଦ ଜଣାଇଛନ୍ତି । ତେବେ ବଏଫ୍ରେଣ୍ଡ ରୋହମାନଙ୍କ ସହ ତାଙ୍କର ବ୍ରେକ ଅପ୍ ନେଇ ଯେଉଁ ଗୁଜବ ଉଠିଥିଲା ଏହି ଲାଇଭ ସେସନ ଭିଡିଓ ପରେ ତାହା ଦୂର ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
