ହାଇଦ୍ରାବାଦ: ସାଉଥର ଫେମସ ଅଭିନେତା ନିତିନଙ୍କ ବିବାହକୁ ନେଇ ଦୀର୍ଘ ସମୟରୁ ଚର୍ଚ୍ଚା ଚାଲିଛି । ଫ୍ୟାନ୍ସ ମଧ୍ୟ ଅନାଇ ବସିଛନ୍ତି ତାଙ୍କ ବିବାହ ଦେଖିବା ପାଇଁ। ଇତିମଧ୍ୟରେ ସେ ନିଜ ଦୀର୍ଘ ସମୟର ଗାର୍ଲଫ୍ରେଣ୍ଡ ଶାଲିନୀଙ୍କ ସହ ନିର୍ବନ୍ଧ କରି ସମସ୍ତଙ୍କୁ ସରପ୍ରାଇଜ ଦେଇଛନ୍ତି।
ହାଇଦ୍ରାବାଦରେ ପରିବାର ଓ କିଛି ଖାସ୍ ବନ୍ଧୁଙ୍କ ଗହଣରେ ପରସ୍ପରକୁ ମୁଦି ପିନ୍ଧାଇଥିଲେ ଏହି ଯୋଡି । ଯାହାର ଅନେକ ଫଟୋ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
ନିତିନ ନିଜ ସୋସିଆଲ ମିଡିଆରେ ଆକାଉଣ୍ଟରେ ନିର୍ବନ୍ଧର ଅନେକ ଫଟୋ ଫ୍ୟାନ୍ସଙ୍କ ପାଇଁ ସେୟାର କରିଛନ୍ତି । ନିର୍ବନ୍ଧରେ ନିତିନ ଧଳା ରଙ୍ଗର ର୍କୁତା ଓ ଧୋତି ପିନ୍ଧିଥିବା ବେଳେ ଶାଲିନୀ ଏକ ସୁନ୍ଦର ଲେହେଙ୍ଗା ପିନ୍ଧିଥିବାର ଦେଖାଯାଉଛନ୍ତି ।
ପ୍ରକାଶ ଥାଉକି ଶାଲିନୀ ୟୁକେ ବିଶ୍ବବିଦ୍ୟାଳୟରୁ ବିଜନେସ ମ୍ୟାନେଜମେଣ୍ଟରେ ପାଠ ପଢିଛନ୍ତି । ଏହି ଯୋଡି ପାଖାପାଖି 8 ବର୍ଷ ହେବ ପରସ୍ପରକୁ ଡେଟ କରିଆସୁଛନ୍ତି।
ସେହିପରି ନିତିନ ସାଉଥ ଇଣ୍ଡଷ୍ଟ୍ରିକୁ ଅନେକ ହିଟ୍ ଫିଲ୍ମ ଦେବାରେ ସଫଳ ହୋଇଛନ୍ତି । ‘ଶ୍ରୀନିବାସ କଲ୍ୟାଣମ’ ଓ ‘ଚଲ ମୋହନ ରଙ୍ଗ’ ଭଳି ଫିଲ୍ମରେ ଅଭିନୟ କରି ଦର୍ଶକଙ୍କୁ ନିଜ ଦିୱାନା କରିଛନ୍ତି ।
