ମୁମ୍ବାଇ: ଫେମସ ଅଭିନେତ୍ରୀ ରବୀନା ଟଣ୍ଡନ ଦୀର୍ଘ ସମୟରୁ ଫିଲ୍ମ ଦୁନିଆରୁ ଦୂରେଇ ଅଛନ୍ତି । ହେଲେ ସେ ଅନେକ ରିୟାଲିଟି ଶୋରେ ଜଜ୍ ରୂପେ ନଜର ଆସିସାରିଛନ୍ତି । କିଛି ଦିନ ହେବ ଚର୍ଚ୍ଚା ଜୋର ଧରିଛି ଯେ ସେ ପୁଣି ଅଭିନୟ ଦୁନିଆକୁ ଫେରିବାକୁ ଯାଉଛନ୍ତି । ସେ ତାମିଲ ବ୍ଲକବଷ୍ଟର ଫିଲ୍ମ ‘କେଜିଏଫ: ଚାପ୍ଟର 2’ ଜରିଆରେ ପରଦାକୁ ଫେରିବେ।
ନିର୍ଦ୍ଦେଶକ ପ୍ରଶାନ୍ତ ନୀଲ ଏହି ଆକ୍ସନ ଡ୍ରାମା ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇବେ । ରବିବାର ସେ ଟ୍ବିଟରରେ ରବୀନା ଏହି ଫିଲ୍ମ ସହ ସମ୍ପୃକ୍ତ ହେବାର ସୂଚନା ଦେଇଥିଲେ । ସେ ଏକ ଟ୍ବିଟ କରି ଲେଖିଛନ୍ତି, ‘ଡେଥ ୱାରେଣ୍ଟ ଜାରି କରିଥିବା ମହିଳା ଆସିଯାଇଛନ୍ତି । ଆପଣଙ୍କ ସ୍ବାଗତ ରବୀନା ଟଣ୍ଡନ ମ୍ୟାମ। #କେଜିଏଫଚାପ୍ଟର2।’
ପ୍ରଶାନ୍ତଙ୍କ ଟ୍ବିଟ ଅନୁଯାୟୀ ରବୀନା ଏହି ଫିଲ୍ମରେ ରମିକା ସେନଙ୍କ ଭୂମିକାରେ ଅଭିନୟ କରିବେ । ସେପଟେ ବି-ଟାଉନ ମୁନ୍ନା ଭାଇ ସଞ୍ଜୟ ଦତ୍ତ ମଧ୍ୟ ଏହି ଫିଲ୍ମରେ ନଜର ଆସିବେ । ସେ ଫିଲ୍ମରେ ଖଳନାୟକ ଭୂମିକାରେ ଅଭିନୟ କରୁଛନ୍ତି ।
ହୋମ୍ବଲେ ଫିଲ୍ମସ ଦ୍ବାରା ନିର୍ମିତ ‘କେଜିଏଫ: ଚାପ୍ଟର 2’ ବିଶ୍ବସ୍ତରରେ କନ୍ନଡ, ତାମିଲ, ତେଲୁଗୁ, ମଲୟାଲମ ଓ ହିନ୍ଦୀରେ ରିଲିଜ କରାଯିବ । ତାମିଲ ସୁପରଷ୍ଟାର ୟଶଙ୍କ ଅଭିନୀତ ବ୍ଲକବଷ୍ଟର ଫିଲ୍ମ ‘କେଜିଏଫ ଚାପ୍ଟର 1’ର ଏହା ଦ୍ବିତୀୟ ଭାଗ । ଏଥର ୟଶଙ୍କ ସହ ଫିଲ୍ମରେ ସୁନ୍ଦରୀ ତମନ୍ନା ଭାଟିୟା ଓ ଅନନ୍ତ ନାଗା ମଧ୍ୟ ମୁଖ୍ୟ ଭୂମିକାରେ ଦେଖାଯିବେ।
