ମୁମ୍ବାଇ: ଘୋଷଣା ହେଲା 'ରାଧେଶ୍ୟାମ'ର ନୂଆ ରିଲିଜ୍ ତାରିଖ । ଏନେଇ ନିଜେ ସାଉଥ୍ ହିରୋ ପ୍ରଭାସ ଫ୍ୟାନ୍ସଙ୍କୁ ସୂଚନା ଦେଇଛନ୍ତି । ଆସନ୍ତା ବର୍ଷ ମକରରେ 'ରାଧେଶ୍ୟାମ' ରିଲିଜ୍ ହେବା ନେଇ ପୋଷ୍ଟ କରିଛନ୍ତି ପ୍ରଭାସ ।
- " class="align-text-top noRightClick twitterSection" data="
">
ତେବେ ସାଉଥ୍ ହିରୋ ପ୍ରଭାସଙ୍କ ଅଭିନୀତ ଫିଲ୍ମ ରାଧେଶ୍ୟାମ ଆଜି(ଶୁକ୍ରବାର) ରିଲିଜ୍ ହେବାକୁ ଥିବାବେଳେ ଏହାକୁ ଘୁଞ୍ଚାଇ ଦିଆଯାଇଛି । ଆସନ୍ତା ବର୍ଷ ମକର ସଂକ୍ରାନ୍ତି ଏବଂ ପଙ୍ଗୋଲ ଅର୍ଥାତ୍ ଜାନୁଆରୀ 14, 2022 ରେ ରିଲିଜ ହେବା ନେଇ ପ୍ରଭାସ ଫ୍ୟାନ୍ସଙ୍କୁ ସୂଚନା ଦେଇଛନ୍ତି । ତେବେ ଏନେଇ ସୋସିଆଲ ମିଡିଆରେ ପ୍ରଭାସ କହିଛନ୍ତି ଯେ, 'ଆପଣମାନେ ମୋ ରୋମାଣ୍ଟିକ ଫିଲ୍ମ #ରାଧେଶ୍ୟାମ ଦେଖିବା ପାଇଁ ମୁଁ ଆଉ ଅପେକ୍ଷା କରିପାରୁ ନାହିଁ । ଆସନ୍ତା ଜାନୁଆରୀ 14 ରେ ବିଶ୍ବସ୍ତରୀୟ ରିଲିଜ୍ ହେବାକୁ ଯାଉଛି ଏହି ଫିଲ୍ମ ।'
ଫିଲ୍ମ ବାବଦରେ ସବିଶେଷ ତଥ୍ୟ ଗୋପନୀୟ ରଖାଯାଇ ଥିବାବେଳେ ଏହା ୟୁରୋପର ଏକ ପ୍ରେମ କାହାଣୀ ଉପରେ ଆଧାରିତ ବୋଲି ଚର୍ଚ୍ଚା ହେଉଛି । ଫିଲ୍ମଟି ହିନ୍ଦୀ, ତେଲୁଗୁ, ତାମିଲ, ମାଲୟାଲମ୍ ଏବଂ କନ୍ନଡ ଭାଷାରେ ରିଲିଜ୍ ହେବାର ଯୋଜନା ରହିଛି । ତେବେ ଏହି ରୋମାଣ୍ଟିକ-ଡ୍ରାମା ଫିଲ୍ମରେ ପ୍ରଭାସଙ୍କ ବିପକ୍ଷରେ ସାଉଥ୍ ଅଭିନେତ୍ରୀ ପୂଜା ହେଗେଡେ ନଜର ଆସିବେ । ଫିଲ୍ମର ନିର୍ଦ୍ଦେଶନା ଭାର ତୁଲାଇଛନ୍ତି ରାଧା କ୍ରିଷ୍ଣ କୁମାର । ଅନ୍ୟ ମାନଙ୍କ ମଧ୍ୟରେ ଭାଗୀଶ୍ରୀ, ମୁର୍ଲି ଶର୍ମା, ସଚ୍ଚିନ ଖେଡକର, ପ୍ରିୟଦର୍ଶୀ, ଶାଶା ଛେତ୍ରି, କୁନାଲ ରୟ କାପୁର ପ୍ରମୁଖ ।
ବ୍ୟୁରୋ ରିପୋର୍ଟ, ଇଟିଭି ଭାରତ
