ଭୁବନେଶ୍ବର: ଓଡ଼ିଆ ସଙ୍ଗୀତକାର ଓ ଓଡ଼ିଆ କଳାକାରଙ୍କୁ ନେଇ ନିର୍ମାଣ ହୋଇଥିବା ରୋମାଣ୍ଟିକ ହିନ୍ଦୀ ମ୍ୟୁଜିକ ଭିଡିଓ ‘ହମସଫର’ ରିଲିଜ ହୋଇଯାଇଛି । ଏଥିରେ ନବାଗତ ଅଭିନେତା ମହାପ୍ରସାଦ ସହ ଅଭିନେତ୍ରୀ ସୋମ୍ୟା ରୋମାନ୍ସ କରୁଥିବାର ନଜର ଆସୁଛନ୍ତି ।
ଜି ମ୍ୟୁଜିକ ଓ ଅଧିରା ଫିଲ୍ମସର ମିଳିତ ଉଦ୍ୟମରେ ନିର୍ମିତ ହୋଇଥିବା ଏହି ଭିଡିଓ ଦେବାଶିଷ ମହାରଣାଙ୍କ ନିର୍ଦ୍ଦେଶନାରେ ନିର୍ମିତ ହୋଇଥିବା ବେଳେ ଏଥିରେ ଗୀତ ରଚନା ଧର୍ମେନ୍ଦ୍ର ଓ ମୃତ୍ୟୁଞ୍ଜୟ ମିଶ୍ର କରିଛନ୍ତି ।
ସଙ୍ଗୀତ ନିର୍ଦ୍ଦେଶନା ସୁଶୀଲ ଦଳାଇ ଦେଇଥିବା ବେଳେ ଏଥିରେ ସେ ନିଜେ ମଧ୍ୟ କଣ୍ଠଦାନ କରିଛନ୍ତି । ଏହି ମ୍ୟୁଜିକ ଭିଡିଓଟି ଆଜିକାଲି ଯୁବପିଢ଼ିଙ୍କୁ ଦେଖି ନିର୍ମାଣ କରାଯାଇଛି । ଏଥିରେ ଅଭିନୟ କରିଥିବା ଓଡ଼ିଆ କଳାକାର ମହାପ୍ରସାଦ ଓ ସୌମ୍ୟାଙ୍କ ଅଭିନୟକୁ ଦର୍ଶକ ଖୁବ୍ ପସନ୍ଦ କରିବେ ବୋଲି ଦେବାଶିଷ ପ୍ରକାଶ କରିଛନ୍ତି ।
ଉକ୍ତ ସଂଗୀତ ଭିଡ଼ିଓର ପ୍ରଯୋଜନା ଭାର ଜୁମ ମହାପାତ୍ର ସମ୍ଭାଳି ଥିବା ବେଳେ ଏହା ପାରାଦ୍ବୀପ, କଟକ, ଭୁବନେଶ୍ବର ଓ ପୁରୀର ମନୋରମ ଲୋକେସନରେ ସୁଟିଂ କରାଯାଇଛି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଶତରୂପା ସାମନ୍ତରାୟ, ଇଟିଭି ଭାରତ
