ମୁମ୍ବାଇ: କଳା ଜଗତ ପାଇଁ ଏବର୍ଷ କାଳ ସାଜିଛି । କାରଣ ଏବର୍ଷ ଅଧିକାଂଶ ଷ୍ଟାର୍ସଙ୍କ ମୃତ୍ୟୁ ଖବର ଦିନେ ଛଡା ଦିନେ ଶୁଣିବାକୁ ମିଳୁଛି । ବଲିଉଡଠୁ ନେଇ ଟଲିଉଡ ଓ ହଲିଉଡ ପର୍ଯ୍ୟନ୍ତ ଅନେକ କଳାକାର ଦୁନିଆ ଛାଡି ଚାଲିଗଲେଣି । ଏବେ ଏମିତି ଦୁଃଖଦ ଖବର ପୁଣି ସାମ୍ନାକୁ ଆସିଛି । ହଲିଉଡର ସୁପରହିଟ୍ ଫିଲ୍ମ ‘ବ୍ଲାକ ପାନ୍ଥର’ର ଆକ୍ଟର ଚାଡୱିକ ବୋସେମାନଙ୍କ ଦେହାନ୍ତ ହୋଇଛି । କୋଲନ କ୍ୟାନ୍ସର ପାଇଁ ଶନିବାର ତାଙ୍କ ମୃତ୍ୟୁ ଘଟିଛି । ମାତ୍ର 43 ବର୍ଷ ବୟସରେ ଦୁନିଆକୁ ଅଲବିଦା କହିଛନ୍ତି ଚାଡୱିକ । ତାଙ୍କ ଦେହାନ୍ତ ଖବର ଶୁଣି କଳା ଜଗତରେ ଶୋକର ଛାୟା ଖେଳିଯାଇଛି । ଫ୍ୟାନ୍ସଙ୍କଠୁ ନେଇ ସେଲିବ୍ରିଟି ପର୍ଯ୍ୟନ୍ତ ତାଙ୍କୁ ସୋସିଆଲ ମିଡିଆରେ ଶ୍ରଦ୍ଧାଞ୍ଜଳୀ ଦେଉଥିବାର ନଜର ଆସୁଛନ୍ତି ।
ପ୍ରକାଶ ଥାଉକି ଗତ 4 ବର୍ଷରୁ ଚାଡୱିକ କ୍ୟାନ୍ସରରେ ଆକ୍ରାନ୍ତ ଥିଲେ । ତାଙ୍କ ଅନ୍ତିମ ସମୟରେ ପରିବାର ଲୋକ ତାଙ୍କ ସହ ଉପସ୍ଥିତ ଥିଲେ । ତାଙ୍କ ମୃତ୍ୟୁ ପରେ ପରିବାର ତରଫରୁ ଏକ ଅଧିକାରିକ ବୟାନ ଜାରି ମଧ୍ୟ କରାଯାଇଛି ।
- — Chadwick Boseman (@chadwickboseman) August 29, 2020 " class="align-text-top noRightClick twitterSection" data="
— Chadwick Boseman (@chadwickboseman) August 29, 2020
">— Chadwick Boseman (@chadwickboseman) August 29, 2020
ଟ୍ବିଟରେ ତାଙ୍କ ମୃତ୍ୟୁ ସୂଚନା ଦେଇ ପରିବାର ଲୋକ ଲେଖିଛନ୍ତି, ‘ଚାଡୱିକ ନିଜ ସଂଘର୍ଷ ମାଧ୍ୟମରେ ଆପଣଙ୍କ ପର୍ଯ୍ୟନ୍ତ ସବୁ ଫିଲ୍ମ ପହଞ୍ଚାଇଥିଲେ । ଯାହାକୁ ଆପଣ ବହୁତ ସ୍ନେହ ପ୍ରେମ ବି ଦେଇଥିଲେ । ଆଜି ଏହି ମହାନ୍ କଳାକାର ଦୁନିଆ ଛାଡି ଚାଲିଯାଇଛନ୍ତି ।’
