ହାଇଦ୍ରାବାଦ: କପିଲଙ୍କ ଶୋ'ରେ ନଜର ଆସିବେ ଦୌଡରାଣୀ ଦୂତୀ ଚାନ୍ଦ । ନିଜ ସୋସିଆଲ ମିଡିଆ ସାଇଟରେ ଫଟୋ ପୋଷ୍ଟ କରି ସୂଚନା ଦେଇଛନ୍ତି ଦୂତୀ । ନିକଟରେ ଦୂତୀ ସମଲିଙ୍ଗୀ ପ୍ରସଙ୍ଗକୁ ନେଇ ଚର୍ଚ୍ଚାରେ ଥିଲେ । ତେବେ ଖୁବ ଶୀଘ୍ର ସେ କପିଲଙ୍କ ଶୋକୁ ଅତିଥି ଭାବରେ ନଜର ଆସିବେ ଦୂତୀ ।
ଏହି ଏପିସୋଡର ସୁଟିଂ ସରିଥିବା ବେଳେ ଶୀଘ୍ର ଏହାର ପ୍ରମୋକୁ ରିଲିଜ କରାଯିବ । ତେବେ ଦୂତୀ ଶୁଟିଂ ସେଟରୁ କିଛି ଫଟୋ ପୋଷ୍ଟ କରିଥିଲେ । ଦୂତୀଙ୍କ ବ୍ୟତୀତ ଶୋରେ ପୂର୍ବତନ ଫୁଟବଲ ଖେଳାଳୀ ବାଇଚୁଙ୍ଗ ଭୁଟିଆ ଓ ହକି ଖେଳଳୀ ସନ୍ଦୀପ ସିଂ ମଧ୍ୟ ନଜର ଆସିବେ ।
ତେବେ ନିକଟରେ ଦୂତୀ ନିଜ ସମଲିଙ୍ଗୀ ସମ୍ପର୍କକୁ ନେଇ ବଡ ଖୁଲାସା କରିଥିଲେ । ନିଜ ସମଲିଙ୍ଗୀ ସାଥି ସହ ପ୍ରାୟ 4 ବର୍ଷ ହେବ ରିଲେସନରେ ଅଛନ୍ତି ବୋଲି ସ୍ବୀକାର କରିଥିଲେ । ପ୍ରଥମ ଥର କୌଣସି ଖେଳାଳୀ ମିଡିଆ ଆଗରେ ସମଲିଙ୍ଗୀ ସମ୍ପର୍କକୁ ସ୍ବୀକାର କରିଛନ୍ତି ।
2014ରେ ଦୂତୀଙ୍କ ଶରୀରରେ ଆଣ୍ଡ୍ରୋଜେନର ମାତ୍ରା ଅଧିକ ଥିବାରୁ କମନୱେଲଥ ଗେମରୁ ଦୂତୀଙ୍କୁ ବାହାର କରିଦିଆଯାଇଥିଲା । ପରେ ଦୂତୀ ଏନେଇ କୋର୍ଟର ଦ୍ବାରସ୍ଥ ହେବା ପରେ ତାଙ୍କୁ 100ମିଟର ଓ 200ମିଟର ଦୌଡରେ ଭାଗ ନେବା ପାଇଁ ଅନୁମତି ମିଳିଥିଲା
