ଭୁବନେଶ୍ବର: ବଲିଉଡ ଡିଭା ସୋମନ କପୁର ଆଜି ଭୁବନେଶ୍ବର ପହଞ୍ଚିଛନ୍ତି । ତାଙ୍କୁ ଭୁବନେଶ୍ବର ବିମାନ ବନ୍ଦରରେ ଦେଖିବାକୁ ମିଳିଥିଲା । ପ୍ରଥମଥର ସୋନମଙ୍କୁ ଓଡ଼ିଶାରେ ଦେଖି ଫ୍ୟାନ୍ସ ବି ବେଶ ଖୁସି ହୋଇଯାଇଛନ୍ତି । ଆଉ ବିମାନ ବନ୍ଦର ପାଖରେ ଜମିଥିଲା ଫ୍ୟାନ୍ସଙ୍କ ଗହଳି ।
ଏକଗହଣା ଦୋକାନର ଉଦଘାଟନ ଉତ୍ସବରେ ଯୋଗ ଦେଇଛନ୍ତି ସୋନମ । ପ୍ରଥମଥର ଭୁବନେଶ୍ବର ଆସିଥିବାରୁ ଖୁସି ମଧ୍ୟ ପ୍ରକାଶ କରିଛନ୍ତି ସୋନମ । ଓଡିଶୀ ନୃତ୍ୟ, ସଂସ୍କୃତିକୁ ବେଶ ପସନ୍ଦ କରନ୍ତି ସୋନମ । ଓଡିଶା ବାସୀଙ୍କୁ ସେ ଭଲ ପାଆନ୍ତି ବୋଲି କହିଛନ୍ତି । ଉଦଘାଟନରେ ନିଜ ଆଗାମୀ ଫିଲ୍ମ ‘ଦ ଜୋୟା ଫ୍ୟାକ୍ଟର’ର ପ୍ରମୋଶନ ମଧ୍ୟ କରିଥିଲେ ।
ପ୍ରକାଶ ଥାଉକି ନିକଟରେ ତାଙ୍କର ବହୁ ଚର୍ଚ୍ଚିତ ଫିଲ୍ମ ‘ଦ ଜୋୟା ଫ୍ୟାକ୍ଟର’ର ଜବରଦସ୍ତ ଟ୍ରେଲର ରିଲିଜ ହୋଇଥିଲା । ଯେଉଁଥିରେ ତାଙ୍କ ସହ ସାଉଥର ଲୋକପ୍ରିୟ ଅଭିନେତା ଦିଲକର ସଲମାନ ନଜର ଆସିଛନ୍ତି । ଫିଲ୍ମଟି ଏକ ବାସ୍ତବ କାହାଣୀକୁ ନେଇ ଆଧାରିତି । ‘ଦ ଜୋୟା ଫ୍ୟାକ୍ଟର’ ଏମାସ 20ରେ ରିଲିଜ ହେବାକୁ ଯାଉଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
