ମୁମ୍ବାଇ: କନ୍ନଡ ସୁପରଷ୍ଟାର ୟଶ ବର୍ତ୍ତମାନ ବହୁପ୍ରତିକ୍ଷିତ ଫିଲ୍ମ ‘କେଜିଏଫ’ର ଦ୍ବିତୀୟ ପାର୍ଟ ସୁଟିଂରେ ଖୁବ୍ ବ୍ୟସ୍ତ ଅଛନ୍ତି । ଏହି ବ୍ଲକବଷ୍ଟର ଫିଲ୍ମରେ ବି-ଟାଉନର ଫେମସ ଅଭିନେତା ସଞ୍ଜୟ ଦତ୍ତ ଓ ଅଭିନେତ୍ରୀ ରବୀନା ଟଣ୍ଡନ ମଧ୍ୟ ନଜର ଆସିବେ। ରବୀନାଙ୍କ ସହ କାମ କରିବାକୁ ନେଇ ୟଶ ବହୁତ ଉତ୍ସାହିତ।
ଫିଲ୍ମରେ ରବୀନା ଜଣେ ପୋଲିସ ଅଫିସର ଭୂମିକାରେ ନଜର ଆସିବେ। ନିକଟରେ ଫିଲ୍ମର ନିର୍ଦ୍ଦେଶକ ସୋସିଆଲ ମିଡିଆରେ ଫଟୋ ସେୟାର କରି ଫିଲ୍ମରେ ରବୀନାଙ୍କ ସ୍ବାଗତ କରିଥିଲେ। ଆଉ ଏବେ ୟଶ ମଧ୍ୟ ତାଙ୍କର ସ୍ବାଗତ କରିଛନ୍ତି।
- " class="align-text-top noRightClick twitterSection" data="
">
ସେ ଇନଷ୍ଟାଗ୍ରାମରେ ରବୀନାଙ୍କ ସହ ଏକ ଫଟୋ ସେୟାର କରି କ୍ୟାପସନରେ ଲେଖିଛନ୍ତି, ‘ରମିକା ସେନ ହୁଏତଃ ରକିଙ୍କ କ୍ଷେତ୍ରରେ ପ୍ରବେଶ କରିପାରିବେ ନାହିଁ, ହେଲେ ରବୀନା ମ୍ୟାମଙ୍କୁ ୟଶଙ୍କ ଗୃହନଗରରେ ସ୍ବାଗତ। ଫିଲ୍ମ ଆପଣଙ୍କ ଅଭିନୟ କରିବାକୁ ନେଇ ମୁଁ ବହୁତ ଖୁସି । ତେବେ ଆସନ୍ତୁ ବିସ୍ଫୋଟ କରିବା।’
ପ୍ରକାଶ ଥାଉକି ‘କେଜିଏଫ’ ୟଶଙ୍କ ସବୁଠାରୁ ବଡ ହିଟ୍ ଫିଲ୍ମ ମଧ୍ୟରୁ ଅନ୍ୟତମ। ଫିଲ୍ମର କାହାଣୀ 1970 ଦଶକର ପୃଷ୍ଠଭୂମି ଉପରେ ଆଧାରିତ। ଫିଲ୍ମରେ ୟଶ, ରକିଙ୍କ ଭୂମିକାରେ ଅଭିନୟ କରୁଛନ୍ତି । କିଛି ଦିନ ପୂର୍ବରୁ ‘କେଜିଏଫ ପାର୍ଟ 2’ର ଫାଷ୍ଟଲୁକ ପୋଷ୍ଟରକୁ ଜାରି କରିଥିଲେ ମେକର୍ସ ।
