ମୁମ୍ବାଇ: ହ୍ୟାଣ୍ଡସମ ଆକ୍ଟର ରଣବୀର କପୁର ଏଥର ନୂଆ ବର୍ଷ ନିଜର ଆଗାମୀ ଫିଲ୍ମ ‘ଆନିମଲ’ର ଘୋଷଣା କରି ପାଳନ କରିଥିଲେ । ଏହି କ୍ରାଇମ ଡ୍ରାମା ଫିଲ୍ମରେ ତାଙ୍କ ସହ ରୋମାନ୍ସ କରିବେ ଚୁଲବୁଲି ଅଭିନେତ୍ରୀ ପରିଣୀତି ଚୋପ୍ରା । ପ୍ରଥମଥର ଏହି ଯୋଡିଙ୍କ କେମେଷ୍ଟ୍ରି ପରଦାରେ ଦେଖିବାକୁ ମିଳିବ । ସେହିପରି ଏହି ଫିଲ୍ମରେ ଅନିଲ କପୁର ଓ ବବି ଦେଓଲ ମଧ୍ୟ ନଜର ଆସିବେ । ଆଉ ଖୁବଶୀଘ୍ର ଏହି କଳାକାର ଫିଲ୍ମର ସୁଟିଂ ଆରମ୍ଭ କରିବେ । ଖାଲି ଏତିକି ନୁହେଁ ଲଭ ରଞ୍ଜନଙ୍କ ଆଗାମୀ ଫିଲ୍ମରେ ମଧ୍ୟ ନଜର ଆସିବେ ରଣବୀର ଓ ଶ୍ରଦ୍ଧା କପୁର । ଯାହାର ସୁଟିଂ ବର୍ତ୍ତମାନ ଚାଲିଛି ।
ସେହିପରି ‘ଆନିମଲ’ ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ‘କବୀର ସିଂ’ ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭାଙ୍ଗା । ଯାହାର ପ୍ରଯୋଜନା ଟି-ସିରିଜ ମାଲିକ ଭୂଷଣ କୁମାର କରିବେ । ହେଲେ ଲଭ ରଞ୍ଜନଙ୍କ ଫିଲ୍ମର ସୁଟିଂ ସରିବା ପରେ ‘ଆନିମଲ’ର ସୁଟିଂ ଆରମ୍ଭ କରିବେ ଭୂଷଣ କୁମାର ।
ଯାହାର ସୂଚନା ଦେଇ ସେ କହିଛନ୍ତି, ‘ଲଭ ରଞ୍ଜନଙ୍କ ଫିଲ୍ମ, ଯେଉଁଥିରେ ରଣବୀର ଓ ଶ୍ରଦ୍ଧା ନଜର ଆସିବେ ବର୍ତ୍ତମାନ ତାର ସୁଟିଂ ଶେଷ ହେବା ଉପରେ । ଆଉ କିଛି ସିନ୍ସର ସୁଟିଂ ସରିଲେ ଆମେ ଆନିମଲର ସୁଟିଂ ଆରମ୍ଭ କରିବୁ । ଆସନ୍ତା ଅକ୍ଟୋବରରେ ଫିଲ୍ମର ସୁଟିଂ ଆରମ୍ଭ କରିବାକୁ ଯୋଜନା କରିଛୁ ଆମେ ।’
ବ୍ୟୁରୋ ରିପୋର୍ଟ, ଇଟିଭି ଭାରତ
