ମୁମ୍ବାଇ: ଶନିବାର ରାତିରେ ଛୋଟ ପରଦାର କମେଡି କିଙ୍ଗ କପିଲ ଶର୍ମାଙ୍କ ଶୋ ହାଉସଫୁଲ ହେବାକୁ ଯାଉଛି । କାରଣ ସୁପରଷ୍ଟାର ଅକ୍ଷୟ କୁମାର ନିଜର ମଲ୍ଟି ଷ୍ଟାରର ଫିଲ୍ମ ‘ହାଉସଫୁଲ 4’ ଟିମ ସହ କପିଲଙ୍କ ଶୋରେ ମଚାଇବେ ଧୁମ। କମେଡି ଫିଲ୍ମର ପ୍ରମୋଶନ କପିଲଙ୍କ ଶୋରେ ହେବା ଦର୍ଶକଙ୍କ ପାଇଁ କୌଣସି ବଡ ଉପହାର ଠାରୁ କମ ନୁହେଁ । ଏହି ଏପିସୋଡର ସୁଟିଂ ମଧ୍ୟ ନିକଟରେ କରିଥିଲେ ଷ୍ଟାରକାଷ୍ଟ । ଯାହାର ଅନେକ ପ୍ରୋମୋ ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳୁଛି ।
ଅକ୍ଷୟଙ୍କ ସହ ରିତେଶ ଦେଶମୁଖ, ବବି ଦେଓଲ ପରସ୍ପର ରାଜ୍ ଉପରୁ ପରଦା ଉଠାଉଥିବାର ନଜର ଆସିବେ । ଏହାସହ ଅକ୍ଷୟ ମଧ୍ୟ ନିଜ ମଜାଦାର କାହାଣୀ ଦର୍ଶକଙ୍କୁ କହିବେ । ତାଙ୍କୁ ଜଣେ ଝିଅ ରିଜେକ୍ଟ କରିବା କଥା ମଧ୍ୟ ବଖାଣିବେ ।
ପୂର୍ବରୁ ସେ ବହୁତ ଲାଜୁଆ ପୁଅ ଥିଲେ । ନିଜର ପ୍ରଥମ ପ୍ରେମିକାଙ୍କୁ ନେଇ ସେ ଅନେକ କୈଫେ ଏବଂ ରେସ୍ତୋରାଁକୁ ନେଇକି ଯାଉଥିଲେ । ତାଙ୍କ ପ୍ରେମିକା ଚାହୁଁଥିଲେ ଯେ ସେ ତାଙ୍କ ସହିତ ଟିକେ ରୋମାଣ୍ଟିକ ବୟଫ୍ରେଣ୍ଡ ପରି ହୁଅନ୍ତୁ । କିନ୍ତୁ ସେ ବହୁତ ଲାଜୁଆ ଥିବାରୁ ସେ ଝିଅକୁ କିସ୍ ମଧ୍ୟ କରିପାରୁନଥିଲେ । ଯାହାଦ୍ବାରା ଡେଟର କିଛି ଦିନ ପରେ ତାଙ୍କୁ ଛାଡି ଦେଇଥିଲେ ସେହି ଝିଅ । ଅକ୍ଷୟଙ୍କ ପରି ବବି ଓ ରିତେଶ ମଧ୍ୟ ନିଜ ଲାଇଫର ମଜାଦାର କାହାଣୀ ଦର୍ଶକଙ୍କୁ ଶୁଣାଇଥିଲେ । ପୁରା ଏପିସୋଡ ଦେଖିବାକୁ ପାଇଁ ଦର୍ଶକଙ୍କୁ ଶନିବାର ରାତି ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ ।
