ହାଇଦ୍ରାବାଦ: ଛାଡପତ୍ର ପରେ ମଧ୍ୟ ମଲାଇକା ଆରୋରା (malaika arora) ଏବଂ ଅରବାଜ ଖାନ (arbaaz khan) ଙ୍କୁ ଅନେକ ସମୟରେ ଏକାଠି ଦେଖିବାକୁ ମିଳେ। ଯାହାକୁ ନେଇ ପୂର୍ବରୁ ଅନେକ ଥର ଚର୍ଚ୍ଚା ବି ହୋଇଛି। ପୁଣି ଥରେ ମଲାଇକା ଆରୋରା ଏବଂ ଅରବାଜ ଖାନଙ୍କୁ ଏୟାରପୋର୍ଟରେ ଏକାଠି ଦେଖିବାକୁ ମିଳିଛି। ତେବେ ଏଥର ତାଙ୍କ ପୁଅ ଅରହାନ ଖାନ (Arhaan Khan) ଙ୍କ ପାଇଁ ସେମାନଙ୍କୁ ଏକାଠି ଦେଖିବାକୁ ମିଳିଛି ।
ଗତକାଲି ରାତିରେ ମଲାଇକା ଏବଂ ଅରବାଜଙ୍କୁ ମୁମ୍ବାଇ ବିମାନ ବନ୍ଦରରେ ଏକାଠି ଦେଖିବାକୁ ମିଳିଥିଲା ଯେଉଁଠାରେ ସେମାନେ ତାଙ୍କ ପୁଅକୁ ଛାଡିବାକୁ ଆସିଥିଲେ। ସୋସିଆଲ ମିଡିଆରେ ଏହାର ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି ଯେଉଁଠାରେ ଅରବାଜ ଏବଂ ମଲାଇକା ଦୀର୍ଘ ସମୟ ଧରି ପରସ୍ପର ସହ କଥାବାର୍ତ୍ତା ହେଉଥିବା ଦେଖାଯାଇଥିଲା । ଅରହାନ୍ ତାଙ୍କର ପାଠ ପଢା ପୂରା କରିବାକୁ ବିଦେଶ ଯାଉଛନ୍ତି । ଛୁଟିରେ ସେ ଘରକୁ ଆସିଥିଲେ । ଏବେ ଛୁଟିଦିନ ସରିବା ପରେ ସେ ପୁଣି ବିଦେଶ ଫେରିଛନ୍ତି ।
ଉଲ୍ଲେଖନୀୟ କଥା ହେଉଛି, ମଲାଇକା ଅର୍ଜୁନ କପୁରଙ୍କୁ ଡେଟ କରୁଛନ୍ତି। ସେପଟେ ଅରବାଜ ଜର୍ଜିଆ ଆଣ୍ଡ୍ରିଆନି (Georgia Andriani) ଙ୍କୁ ଡେଟ କରୁଛନ୍ତି । 18 ବର୍ଷର ଦୀର୍ଘ ସମୟ ବିତାଇବା ପରେ ଦୁହେଁ ଛାଡପତ୍ର ନେଇଥିଲେ । ମଲାଇକା ଏବଂ ଅରବାଜଙ୍କ ଏକମାତ୍ର ପୁଅ ଅହାନ୍ ଅଛନ୍ତି । ବର୍ତ୍ତମାନ ଅହାନଙ୍କ ହେପାଜତ ମଲାଇକାଙ୍କ ପାଖରେ ଅଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
