ହାଇଦ୍ରାବାଦ: ବଲିଉଡ ଅଭିନେତା ତଥା ନିର୍ଦ୍ଦେଶକ ଫରହାନ ଅଖତର ଏବଂ ଶିବାନୀ ଦାଣ୍ଡେକରଙ୍କ ବିବାହ ଏବେ ଚର୍ଚ୍ଚାରେ । ଉଭୟ ବିବାହ ଜାଭେଦ୍ ଅଖତରଙ୍କ ଖଣ୍ଡାଲା ସ୍ଥିତ ଫାର୍ମହାଉସରେ ହୋଇଛି । ଯେଉଁଥିରେ କେବଳ ପରିବାର ସଦସ୍ୟ ଏବଂ କିଛି ଖାସ ବନ୍ଧୁମାନେ ଉପସ୍ଥିତ ଥିଲେ । ଉଭୟଙ୍କ ବିବାହ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଘୂରି ବୁଲୁଛି ।
ଏହି ସମୟରେ ଶିବାନୀ-ଫରହାନଙ୍କ ଏକ ସୁନ୍ଦର ଫଟୋ ସାମ୍ନାକୁ ଆସିଛି । ଯେଉଁଥିରେ ଶିବାନୀ ଫରହାନଙ୍କ ପାପୁଲିରେ ମେହେନ୍ଦି ଲଗାଉଥିବାର ଦେଖାଯାଇଛି । ଏହି ଫଟୋ ଦେଖି ପ୍ରଶଂସକ ଖୁସି ହୋଇଯାଇଛନ୍ତି । ନବ ବିବାହିତଙ୍କ ଏହି ଫଟୋକୁ ଡିଜାଇନର୍ ପାୟଲ ସିଘଂଲ ସେୟାର କରିଛନ୍ତି, ଯିଏକି ତାଙ୍କ ମେହେନ୍ଦୀ ସେରିମୋନିରେ ଉପସ୍ଥିତ ଥିଲେ ।
ଏହା ବି ପଢନ୍ତୁ: First Wedding Pics out: ବର କନିଆ ବେଶରେ ଫରହାନ-ଶିବାନୀ, ଫଟୋ ଭାଇରାଲ
ଫରହାନ୍ ଅଖତର ଏବଂ ଶିବାନୀ ଫେବୃଆରୀ 19ରେ ବିବାହ ବନ୍ଧନରେ ବାନ୍ଧି ହୋଇଥିଲେ । ବିବାହ ପରେ ପିତା ଜାଭେଦ୍ ଅଖତର ଫେବୃଆରୀ 21ରେ ତାଙ୍କ ଘନିଷ୍ଠମାନଙ୍କ ପାଇଁ ଏକ ବଡ଼ ରିସେପସନ୍ ପାର୍ଟି ଦେଇଥିଲେ । ଯେଉଁଠାରେ ଫରହାନ୍ ଏବଂ ଶିବାନୀ ପ୍ରଥମ ଥର ପାଇଁ ଏକ ବିବାହିତ ଦମ୍ପତି ଭାବରେ ଗଣମାଧ୍ୟମ ସମ୍ମୁଖରେ ଉପସ୍ଥିତ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
