ମୁମ୍ବାଇ: ଅଭିନେତା ବିକ୍ରାନ୍ତ ମାସେ ଏବଂ ଅଭିନେତ୍ରୀ କ୍ରିତି ଖରବାଣ୍ଡାଙ୍କ ଷ୍ଟାରର ଫିଲ୍ମ '14 ଫେରେ'ର ଫାଷ୍ଟ ଲୁକ ଆଉଟ୍ ହୋଇସାରିଛି ।
ଫିଲ୍ମ କ୍ରିଟିକ ଆଣ୍ତ ଆନାଲିଷ୍ଟ ତରନ ଆଦର୍ଶ ତାଙ୍କ ଟ୍ୱିଟର ହ୍ୟାଣ୍ଡେଲରେ ଫିଲ୍ମର ଫାଷ୍ଟ ଲୁକ ସେୟାର କରି କହିଛନ୍ତି ଯେ, ଜି ଷ୍ଟୁଡିଓ ଦ୍ୱାରା ଏକ ନୂଆ ଫିଲ୍ମ ଘୋଷଣା କରାଯାଇଛି । '14 ଫେରେ' ଚଳଚ୍ଚିତ୍ରଟି ଏକ କମେଡି ଫିଲ୍ମ । ଦେବନସୁ ସିଂଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରର ସୁଟିଂ ନଭେମ୍ବର 2020 ରେ ଆରମ୍ଭ ହେବ ଏବଂ ଏହା ଜୁଲାଇ 9, 2021 ରେ ମୁକ୍ତିଲାଭ କରିବ ।
ଜି ଷ୍ଟୁଡିଓ ବ୍ୟାନରରେ ନିର୍ମିତ ହେବାକୁ ଥିବା ଏହି ଚଳଚ୍ଚିତ୍ରରେ ବିକ୍ରାନ୍ତ ମାସେ ଏବଂ କ୍ରିତି ଖାରବାଣ୍ଡା ମୁଖ୍ୟ ଭୂମିକାରେ ଅଭିନୟ କରିବେ ।
ଏହି ଚଳଚ୍ଚିତ୍ରରେ ବିକ୍ରାନ୍ତ ଏକ ଛୋଟ ସହରର ପୁଅ ସଞ୍ଜୟ ଭୂମିକାରେ ଅଭିନୟ କରିବେ । ଏଥି ସହିତ କ୍ରିତି ଆଜିର ମର୍ଡନ ଝିଅ ଆଦିତୀଙ୍କ ଚରିତ୍ରରେ ନଜର ଆସିବେ ।
କ୍ରିତୀ ଗତ ବର୍ଷ ଫିଲ୍ମ 'ହାଉସଫୁଲ'ରେ ନଜର ଆସିଥିଲେ । ଅନ୍ୟପକ୍ଷରେ ବିକ୍ରାନ୍ତ 'ଛପାକ୍' ଚଳଚ୍ଚିତ୍ରରେ ଅଭିନୟ କରିଥିଲେ । ଯେଉଁଥିରେ ଦୀପିକା ପାଦୁକୋନ ମୁଖ୍ୟ ଭୂମିକାରେ ନଜର ଆସିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
