ହାଇଦ୍ରାବାଦ: ବରିଷ୍ଠ ବଲିଉଡ ଅଭିନେତା ଦିଲ୍ଲୀପ କୁମାର ଅସୁସ୍ଥ । ମୁମ୍ବାଇରେ ପିଡି ହିନ୍ଦୁଜା ହସ୍ପିଟାଲରେ ଭର୍ତ୍ତି ହୋଇଛନ୍ତି ଅଭିନେତା । ଶ୍ବାସକ୍ରିୟାରେ ସମସ୍ୟା ଅନୁଭବ ହେବା କାରଣରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଗତ ମାସ ମଧ୍ୟ ଉକ୍ତ ହସ୍ପିଟାଲରେ ଅଭିନେତା ଭର୍ତ୍ତି ହୋଇଥିଲେ ।
ଗତ ବର୍ଷ କୋଭିଡ କାରଣରୁ ଦିଲ୍ଲୀପ କୁମାର ନିଜର 2 ସାନ ଭାଇ- ଅସଲାମ ଖାନ(88), ଏହେସାନ ଖାନ(90)ଙ୍କୁ ହରାଇଥିଲେ । ଦିଲ୍ଲୀପ କୁମାର 1944 ମସିହାରେ ‘ଜ୍ବାର ଭଟ୍ଟା’ରୁ ଚଳଚ୍ଚିତ୍ର ଦୁନିଆରେ ପାଦ ଥାପିଥିଲେ । ଏହାପରେ ପାଞ୍ଚ ଦଶକ ଯାଏଁ ତାଙ୍କ ଫିଲ୍ମର ଲୋକପ୍ରିୟତା ଲୋକଙ୍କ ମଧ୍ୟରେ ସେମିତି ଜୀବିତ ହୋଇ ରହିଛି ।
କୋହିନୁର, ମୁଗଲ-ଏ-ଆଜମ, ଦେବଦାସ, ନୟା ଦୌର, ରାମ ଅର୍ ଶ୍ୟାମ ଭଳି ଅନେକ ଆଇକୋନିକ ଫିଲ୍ମରେ ସେ ଅଭିନୟ କରିଛନ୍ତି । ଶେଷଥର ପାଇଁ ସେ 1998 ମସିହାରେ ପରଦାରେ ନଜର ଆସିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
