ମୁମ୍ବାଇ: ଶନିବାର ହଲିଉଡ ସୁପରଷ୍ଟାର ତଥା ଡବ୍ଲୁଡବ୍ଲୁଇ ଷ୍ଟାର ଡ୍ବେନ ଜନସନ ଓରଫ ଦ ରକ ନିଜର 48 ତମ ବର୍ଥ ଡେ ପାଳନ କରୁଛନ୍ତି । ସାରା ବିଶ୍ବରେ ଅସଂଖ୍ୟ ଏହି ଅବସରରେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ରକଙ୍କ ଅଗଣିତ ଫ୍ୟାନ୍ସ ତାଙ୍କୁ ଜନ୍ମଦିନର ଢେର ସାରା ଶୁଭକାମନା ଦେଇଛନ୍ତି ।
ତେବେ ଏହି ଅବସରରେ ବଲିଉଡର ହ୍ୟାଣ୍ଡସମ ବୟ ବରୁଣ ଧୱନ ମଧ୍ୟ ନିଜ ପ୍ରିୟ ଷ୍ଟାରଙ୍କୁ ବର୍ଥ ଡେ ୱିସ କରିଛନ୍ତି । ରକଙ୍କ ଡାଏ ହାର୍ଡ ଫ୍ୟାନ ବରୁଣ ଟ୍ବିଟରରେ ଲେଖିଛନ୍ତି ଯେ ପିପୁଲ୍ସ ଚାମ୍ପ୍ସଙ୍କୁ ଜନ୍ମଦିନର ଅନେକ ଶୁଭେଚ୍ଛା । ଉଲ୍ଲେଖଯୋଗ୍ୟ ଯେ ରକଙ୍କୁ ଡବ୍ଲୁଡବ୍ଲୁଇରେ ପିପୁଲ୍ସ ଚାମ୍ପ ବୋଲି କୁହାଯାଏ । ବରୁଣଙ୍କ ୱିସ ପରେ ତାଙ୍କ ଫଲୋୟର୍ସ ମଧ୍ୟ ରକଙ୍କୁ ଶୁଭେଚ୍ଛା ଜଣାଇଛନ୍ତି । ଏହାସହ ବରୁଣଙ୍କୁ ଫ୍ୟାନବୟ ବୋଲି ଅନେକ କହିଛନ୍ତି ।
ପ୍ରକାଶ ଥାଉ କି ବରୁଣ ଜନସନଙ୍କର ବଡ ପ୍ରଶଂସକ । ସେ ସବୁବେଳେ ତାଙ୍କର ସବୁ ଫିଲ୍ମ ଓ ଡବ୍ଲୁଡବ୍ଲୁଇ ମ୍ୟାଚ ଦେଖନ୍ତି । ପୂର୍ବରୁ ଅନେକ ଥର ସେ ରକଙ୍କ ନକଲ କରି ଭିଡିଓ ଟ୍ବିଟରରେ ପୋଷ୍ଟ କରିଛନ୍ତି । ତେବେ ମଜାଦାର କଥା ଜନସନ ବରୁଣଙ୍କୁ ଜଣେ ଫିଲ୍ମ ଷ୍ଟାର ବୋଲି ଜାଣିନଥିଲେ । ତାଙ୍କର ଫ୍ୟାନ୍ସ ଫଲୋୟର୍ସ ଦେଖି ସେ ଗତବର୍ଷ ବରୁଣଙ୍କ ବର୍ଥ ଡେରେ ୱିସ କରିବା ସହ ବଲିଉଡର ସୁପରଷ୍ଟାର ବୋଲି କହିଥିଲେ ।
