ମୁମ୍ବାଇ: ଆକ୍ସନ ଅଭିନେତା ଟାଇଗର ଶ୍ରଫଙ୍କ ଫିଟନେସ ଉପରେ ଫିଦା ଅନେକ ଫିମେଲ ଫ୍ୟାନ୍ସ । ସୋସିଆଲ ମିଡିଆରେ ତାଙ୍କର ଅନେକ ଫଟୋ ଏବଂ ୱାର୍କଆଉଟ ଭିଡିଓ ଦେଖିବାକୁ ମିଳିଥାଏ । ଫିଲ୍ମ 'ବାଗି-2' ପରେ ବର୍ତ୍ତମାନ ତାଙ୍କ ଫ୍ୟାନ୍ସଙ୍କ ସଂଖ୍ୟା ଆକାଶ ଛୁଆଁ । ଇତିମଧ୍ୟରେ ସେ ଫିଲ୍ମ ଇଣ୍ଡଷ୍ଟ୍ରିରେ 5 ବର୍ଷର ଯାତ୍ରା ପୂରଣ କରିଛନ୍ତି । ଏହି ଅବସରରେ ସେ ଇଣ୍ଡଷ୍ଟ୍ରିର ଅସୁରକ୍ଷିତ ଭାବନାକୁ ନେଇ ବଡ ବୟାନ ଦେଇଛନ୍ତି ।
କଥାଟି ହେଲା କି ଇଣ୍ଡଷ୍ଟ୍ରିରେ ଅନେକ କଳାକାରଙ୍କୁ ଅଭିନୟ ପେଶାରେ ଅନୁଭବ ହେଉଛି ଯେ ସେମାନେ ଅସୁରକ୍ଷିତ । କାରଣ ଫିଲ୍ମ ଇଣ୍ଡଷ୍ଟ୍ରିରେ ସବୁବେଳେ ଜିନିଷ ପରିବର୍ତ୍ତନ ହୋଇଥାଏ । ଟାଇଗର ମଧ୍ୟ ଏହି କଥାକୁ ସ୍ବୀକାର କରୁଛନ୍ତି । ତେଣୁ 5 ବର୍ଷ ପୂରଣ କରିବା ଅବସରରେ ସେ ନିଜ ମନ କଥା ଖୁଲମଖୁଲା କହିଛନ୍ତି ।
ସେ କହିଛନ୍ତି କି ଏହା ସତ କଥା କି ସେ ଅସୁରକ୍ଷିତ ଅଛନ୍ତି ଏବଂ ଏହା ପାଇଁ ତାଙ୍କୁ ସବୁବେଳେ ପ୍ରଶଂସାର ଆବଶ୍ୟକ ପଡିଥାଏ । ସେ କେମିତି କାମ କରୁଛନ୍ତି, କଣ ତାଙ୍କ ପିତା ଏହାକୁ ପସନ୍ଦ କରିବେ? କଣ ତାଙ୍କ ଫ୍ୟାନ୍ସ ତାଙ୍କର ସବୁ କାମକୁ ପ୍ରଶଂସା କରିବେ ? ହ୍ରିତିକ ସାରଙ୍କ ସହ କାମ କରିବା ସମୟରେ ତାଙ୍କୁ ଲାଗିଥିଲା କି ହ୍ରିତିକ ତାଙ୍କ କାମରେ ପ୍ରଭାବିତ ଅଛନ୍ତି । ହ୍ରିତିକ ତାଙ୍କର ଫେଭରେଟ ହିରୋ । ତେଣୁ ତାଙ୍କୁ ସେ ନିରାଶ କରିବେ ନାହିଁ ବୋଲି ଆଶା ରଖିଛନ୍ତି ।
ପ୍ରକାଶ ଥାଉକି 2014ରେ 'ହିରୋପନ୍ତୀ' ଫିଲ୍ମ ଜରିଆରେ ବଲିଉଡରେ ପଦାର୍ପଣ କରିଥିଲେ ଟାଇଗର । ଏହାପରେ ସେ ଫିଲ୍ମ 'ବାଗି', 'ଏ ପ୍ଲାଇଂ ଜଟ୍ଟ', 'ମୁନ୍ନା ମାଇକଲ', 'ବାଗି-2' ଏବଂ 'ଷ୍ଟୁଡେଣ୍ଟ ଅଫ ଦ ଇୟର-2' ଭଳି ଫିଲ୍ମରେ ଅଭିନୟ କରିସାରିଛନ୍ତି । ଏବେ ସେ ହ୍ରିତିକ ରୋଶନଙ୍କ ଆଗାମୀ ଫିଲ୍ମରେ ନଜର ଆସିବେ । ଯାହାକୁ ନେଇ ସେ ଖୁବ୍ ଉତ୍ସାହିତ ।
