ମୁମ୍ବାଇ: ବଲିଉଡର ବ୍ଲାକ ବିୟୁଟି ଅଭିନେତ୍ରୀ ବିପାଶା ବସୁ ଥ୍ରୀଲର ପ୍ରୋଜେକ୍ଟ କରିବାକୁ ଭଲ ପାଆନ୍ତି । କାରଣ ସେମାନେ ତାଙ୍କୁ ଡ୍ରାମା, ଆକ୍ସନ୍, ରୋମାନ୍ସ ଠାରୁ ଆରମ୍ଭ କରି ଭୟ ପର୍ଯ୍ୟନ୍ତ ଅନେକ ଫିଲ୍ମରେ ଅଭିନୟ କରିବାର ସୁଯୋଗ ଦିଅନ୍ତି |
- " class="align-text-top noRightClick twitterSection" data="
">
ବିପାଶା କହିଛନ୍ତି, ଥ୍ରୀଲର ପ୍ରୋଜେକ୍ଟ ଜଣେ କଳାକାରଙ୍କ ପାଇଁ ଏକ ଉପଯୁକ୍ତ କାନଭାସ ତିଆରି କରିଥାଏ । ଥ୍ରୀଲର ପ୍ରୋଜେକ୍ଟରେ ଡ୍ରାମା, ଆକ୍ସନ୍, ରୋମାନ୍ସ,, ଭୟାନକ ଅଭିନୟ ଆଦି କରିବାର ସୁଯୋଗ ମିଳିଥାଏ ।
ମୁଁ ବିଶ୍ବାସ କରେ ଯେ, ଥ୍ରୀଲର ପ୍ରୋଜେକ୍ଟକୁ ଦର୍ଶକମାନେ ବହୁତ ଉପଭୋଗ କରିଥାନ୍ତି । ଏହିସବୁ ପ୍ରୋଜେକ୍ଟରେ ରହସ୍ୟ ସମାଧାନ କରିବାର ନୂତନ ଆଇଡିଆ ଦେଖିବାକୁ ମିଳେ । ଥ୍ରୀଲରଗୁଡ଼ିକ ମୋ ପାଇଁ ସର୍ବଦା ସ୍ୱତନ୍ତ୍ର ରହିଆସିଛି ।
ବର୍ତ୍ତମାନ ବିପାଶା ଏବଂ କରଣ ସିଂ ଗ୍ରୋଭରଙ୍କୁ ଥ୍ରିଲର ଫିଲ୍ମ 'ଡେନଜରସ୍'ରେ ଏକାଠି ଦେଖିବାକୁ ମିଳିବ ।
ଏହି ଫିଲ୍ମ ବିଷୟରେ ବିପାଶା କହିଛନ୍ତି, ପ୍ରଶଂସକମାନେ ମୋତେ ଏବଂ କରଣଙ୍କୁ ପୁଣି ଥରେ ପରଦାରେ ଦେଖିବାକୁ ଚାହୁଁଥିଲେ । ଫିଲ୍ମ 'ଡେନଜରସ୍' ର ସ୍କ୍ରିପ୍ଟ ମୋତେ ପ୍ରକୃତରେ ବହୁତ ଆକର୍ଷିତ କରିଥିଲା ।
ଚଳଚ୍ଚିତ୍ର 'ଡେନଜରସ୍' ବିକ୍ରମ ଭଟ୍ଟଙ୍କ ଦ୍ୱାରା ଲିଖିତ ଏବଂ ଭୂଷଣ ପଟେଲ ନିର୍ଦ୍ଦେଶନା ଦେଇଛନ୍ତି । ସୁୟଶ ରାୟ, ନତାଶା ସୌରୀ, ସୋନାଲି ରାଉତ ଏବଂ ନିତିନ ଆରୋରାଙ୍କ ପରି ଅଭିନେତାମାନଙ୍କ ସହିତ ସୁସଜ୍ଜିତ ଏହି ଫିଲ୍ମ 14 ଅଗଷ୍ଟ ଓଟିଟି ପ୍ଲାଟଫର୍ମ ଏମ ଏକ୍ସ ପ୍ଲେୟାରରେ ମୁକ୍ତିଲାଭ କରିବ ।
