ହାଇଦ୍ରାବାଦ: ‘ହସି ତୋ ଫସି’ରେ ଜବରଦସ୍ତ କେମେଷ୍ଟ୍ରି ପରେ ପୁଣି ଏକାଠି ନଜର ଆସିବେ ପରିଣୀତି ଓ ସିଦ୍ଧାର୍ଥ । ‘ଜବରୀୟାଁ ଯୋଡି’ରେ ପୁଣି ଏକାଠି ହୋଇଛନ୍ତି ଏହି ଯୋଡି । ତେବେ ଫିଲ୍ମର କମେଡି ଟ୍ରେଲର ଦର୍ଶକଙ୍କୁ ଖୁବ ପସନ୍ଦ ଆସିଛି ।
ସିଦ୍ଧାର୍ଥ ମଲହୋତ୍ରାଙ୍କୁ ଟ୍ରେଲରରେ ବିହାରୀ ଭୂମିକାରେ ଦେଖିବାକୁ ମିଳିଛି । ଟ୍ରେଲରରେ ପରିଣୀତି, ସିଦ୍ଧାର୍ଥଙ୍କୁ କିଡନାପ କରି ବାହା ହେବାକୁ ଚାହୁଁଛନ୍ତି । ମାତ୍ର ସିଦ୍ଧାର୍ଥଙ୍କୁ ବିଧାୟକ ହେବାର ଅଛି । ଅନ୍ୟପକ୍ଷେ ସିଦ୍ଧାର୍ଥ ଯୌତୁକ ନେଉଥିବା ଲୋକଙ୍କୁ ଉଠେଇ ଆଣି ବିନା ଯୌତୁକରେ ବିବାହ କରାଉଥିବାର ଦେଖିବାକୁ ମିଳିଛି ।
ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି ଏକତା କପୁରଙ୍କ ବାଲାଜୀ ମୋସନ ପିକ୍ଚର ଓ ଶୈଲେଶ ସିଂହଙ୍କ କର୍ମା ମିଡିଆ । ଏହାସହ ନିର୍ଦ୍ଦେଶନା କରଛନ୍ତି ପ୍ରଶାନ୍ତ ସିଂହ । ପ୍ରକାଶଥାଉକି, ଶେଷଥର ପାଇଁ ପରିଣୀତି ଫିଲ୍ମ ‘କେଶରୀ’ରେ ନଜର ଆସିଥିଲେ । ଆଗକୁ ପରିଣୀତି ସାଇନା ନେହୱାଲଙ୍କ ବାଓପିକରେ ନଜର ଆସିବେ । ଅନ୍ୟପକ୍ଷେ ସିଦ୍ଧାର୍ଥ ‘ମରଜାଭନ’ରେ ରିତେଶ ଦେଶମୁଖ ଓ ତାରା ସୁତାରିଆଙ୍କ ସହ ନଜର ଆସିବେ ।
