କଲମ୍ବୋ: ସୁପରଷ୍ଟାର ଶାହରୁଖ ଖାନ ଓ ପ୍ରୀତି ଜିଣ୍ଟାଙ୍କ ପରେ ଏବେ ବଲିଉଡର ଆଉ ଏକ ଅଭିନେତା କ୍ରିକେଟ ଜଗତରେ ସାମିଲ ହୋଇଛନ୍ତି । ଆଜ୍ଞା ହଁ, ସଲମାନ ଖାନଙ୍କ ପରିବାର ଶ୍ରୀଲଙ୍କା ପ୍ରିମିୟର ଲିଗରେ ଟିମ କିଣିଛନ୍ତି । ସଲମାନଙ୍କ ଭାଇ ତଥା ଅଭିନେତା ସୋହେଲ ଖାନ ଏସପିଏଲର କ୍ୟାଣ୍ଡି ଫ୍ରାଞ୍ଚାଇଜ କିଣିବା ଚର୍ଚ୍ଚା । ଯାହାର ଷ୍ଟାର ଖେଳାଳି ୱେଷ୍ଟଇଣ୍ଡିଜର ଫେମସ କ୍ରିକେଟର କ୍ରିସ୍ ଗେଲ୍ ।
ଟିମ କିଣିବା ଅବସରରେ ସୋହେଲ କହିଛନ୍ତି, ‘ଆମ ଟିମ ଖେଳାଳିଙ୍କ ପାଇଁ ପ୍ରଶଂସକ ଖୁବ୍ ଉତ୍ସାହିତ ଅଛନ୍ତି। ଆମେ ଖେଳାଳିଙ୍କ ମଧ୍ୟରେ ଶାନଦାର ଦକ୍ଷତା ଦେଖିବାକୁ ପାଉଛୁ । ସଲମାନ କ୍ୟାଣ୍ଡି ଟିମର ସବୁ ଖେଳ ଦେଖିବାକୁ ଯିବେ ।’
ସୋମବାର ଖେଳାଳି ଡ୍ରାଫ୍ଟରେ ୱେଷ୍ଟିଇଣ୍ଡିଜ କିମ୍ବଦନ୍ତୀ କ୍ରିକେଟର କ୍ରିସଙ୍କୁ ଚୟନ କରିଥିବା କ୍ୟାଣ୍ଡି ଫ୍ରାଞ୍ଚାଇଜିରେ ସ୍ଥାନୀୟ ଆଇକନ କୁସାଲ ପେରେରା, ଶ୍ରୀଲଙ୍କା 2020ର ଫେମସ ଖେଳାଳି କୁସାଲ ମେଣ୍ଡିସ୍, ନୁୱାନ୍ ପ୍ରଦୀପ ଏବଂ ଇଂଲଣ୍ଡର ଦ୍ରୁତ ବୋଲର ଲିଆମ୍ ପ୍ଲଙ୍କେଟ ଟିମରେ ସାମିଲ ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
