ମୁମ୍ବାଇ: ସୋମବାର ଫିଲ୍ମ ନିର୍ମାତା କୁନାଲ କୋହଲି ନିଜର ଆଗାମୀ ସିରିଜ ‘ରାମୟୁଗ’ର ଫାଷ୍ଟଲୁକ ମୋଶନ ପୋଷ୍ଟର ଜାରି କରି ଦର୍ଶକଙ୍କୁ ଦେଇଛନ୍ତି ସରପ୍ରାଇଜ । ଆଉ ଯେଉଁଥିରେ ହନୁମାନ ଚାଳିଶା ବିଗ ବି ଅମିତାଭ ବଚ୍ଚନଙ୍କ କଣ୍ଠରେ ଶୁଣିବାକୁ ମିଳୁଛି । ଯାହାକୁ ନେଇ ସମସ୍ତଙ୍କ ଏକ୍ସାଇଟମେଣ୍ଟ ଦୁଇଗୁଣ ବଢିଯାଇଛି । ଓଟିଟି ପ୍ଲାଟଫର୍ମ ଏମଏକ୍ସ ପ୍ଲେୟାରରେ ଷ୍ଟ୍ରିମିଂ ହେବ ଏହି ସିରିଜ ।
- " class="align-text-top noRightClick twitterSection" data="
">
ସେପଟେ ମୋଶନ ପୋଷ୍ଟରକୁ ଇନଷ୍ଟାଗ୍ରାମରେ ସେୟାର କରି କୁନାଲ ଲେଖିଛନ୍ତି, ‘ରାମୟୁଗ । ଏମଏକ୍ସ ପ୍ଲେୟାରର ଓରିଜିନାଲ ସିରିଜ । ଖୁଶୀଘ୍ର ଆସୁଛି କେବଳ ଏମଏକ୍ସ ପ୍ଲେୟାରରେ । ହନୁମାନ ଚାଳିଶା ଅମିତାଭ ବଚ୍ଚନଙ୍କ କଣ୍ଠରେ । ଆଉ ମ୍ୟୁଜିକରେ ତାଳ ମିଶାଇଛନ୍ତି ଜାକିର ହୁସୈନ । ଏହାର କମ୍ପୋଜ ରାହୁଲ ଶର୍ମା କରିଥିବା ବେଳେ ଗୀତର ଲିରିକ୍ସ ଲେଖିଛନ୍ତି ଅମନ ଅକ୍ଷାର ।’
ପ୍ରକାଶ ଥାଉକି ‘ରାମୟୁଗ’ ହେଉଛି ମହାକାବ୍ୟ ରାମାୟଣର ଆଡାପ୍ଟେସନ୍ । ନିକଟରେ କୁନାଲ ସିରିଜ ‘ଲାହୋର କନଫିଡେଣ୍ଟାଲରେ ନିର୍ଦ୍ଦେଶନା ଦେଇଥିଲେ । ଆଉ ଏଥର ତାଙ୍କର ନୂଆ ସିରିଜରେ ରାମ ଏବଂ ସୀତାଙ୍କୁ ଚିତ୍ରଣ କରୁଥିବା ନୂଆ ଚେହେରା ରହିଛି ।
ଯଦି ଅମିତାଭଙ୍କ କଥା ହେବା ତାହାଲେ ସେ ନିକଟରେ ଦୀପିକା ପାଦୁକୋନଙ୍କ ସହ ନିଜର ଆଗାମୀ ଫିଲ୍ମ ‘ଦ ଇଣ୍ଟର୍ନ’ର ଘୋଷଣା କରିଥିଲେ । ‘ପିକୁ’ ପରେ ଦୀପିକା ଓ ଅମିତାଭଙ୍କ ଏହା ଦ୍ବିତୀୟ ଫିଲ୍ମ । ଏହାବ୍ୟତୀତ ଏହି ଯୋଡି ନାଗ ଅଶ୍ବିନଙ୍କ ଆଗାମୀ ଫିଲ୍ମରେ ମଧ୍ୟ ନଜର ଆସିବେ । ଫିଲ୍ମରେ ସାଉଥ ସୁପରଷ୍ଟାର ପ୍ରଭାସ ମୁଖ୍ୟ ଭୂମିକାରେ ଦେଖାଯିବେ ।
