ମୁମ୍ବାଇ: ସୁପରଷ୍ଟାର ଅକ୍ଷୟ କୁମାରଙ୍କ ବହୁ ପ୍ରତିକ୍ଷିତ ଫିଲ୍ମ ‘ସୂର୍ଯ୍ୟବଂଶୀ’ର ରିଲିଜ ଡେଟ ବର୍ତ୍ତମାନ ଫିଲ୍ମ ଇଣ୍ଡଷ୍ଟ୍ରିରେ ଲଟ୍ରି ନମ୍ବର ଭଳି ହୋଇଗଲାଣି । ନୂଆ ବର୍ଷ ଠୁ ଫିଲ୍ମର ରିଲିଜକୁ ଡେଟକୁ ନେଇ ଚର୍ଚ୍ଚା ଚାଲିଛି । ଏହି ଆକ୍ସନ ଡ୍ରାମା ଫିଲ୍ମରେ ପୁଣିଥରେ ଜମିବ କ୍ୟାଟ୍ରିନା କୈଫଙ୍କ ସହ କେମେଷ୍ଟ୍ରି । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟୀ ।
ଇତିମଧ୍ୟରେ ଶୁଣିବାକୁ ମିଳୁଛି ଯେ ଏପ୍ରିଲ 30ରେ ଫିଲ୍ମ ରିଲିଜ କରିବାକୁ ଯୋଜନା କରି ସାରିଛନ୍ତି ମେକର୍ସ । ସେହିପରି ଗତ ବର୍ଷ ଦୀପାବଳି ଅବସରରେ ରିଲିଜ ହୋଇଥାଆନ୍ତା ଫିଲ୍ମ । ହେଲେ କୋରୋନା କାଳ ପାଇଁ ଏହା ସମ୍ଭବ ହୋଇନଥିଲା ।
ବୁଧବାର ସନ୍ଧ୍ୟାରେ ଫିଲ୍ମର ନିର୍ମାତା ଏବଂ ଏହାର ନିବେଶକଙ୍କ ବୈଠକରେ ନିଷ୍ପତ୍ତି ନେଇଛନ୍ତି ଯେ ଆସନ୍ତା ମାସ 30ରେ ଫିଲ୍ମ ରିଲିଜ କରିବେ । ତେବେ ଏହି ଗୁଡନ୍ୟୁଜ ହୁଏତଃ ଦର୍ଶକଙ୍କୁ ଶାନ୍ତି ଦେଇଥିବ। କାରଣ ଗତ ବର୍ଷରୁ ବଡ ପରଦାରେ ଫିଲ୍ମ ଦେଖିବାକୁ ବ୍ୟାକୁଳ ଅଛନ୍ତି ସମସ୍ତେ ।
