ମୁମ୍ବାଇ: ମିଷ୍ଟର ଫରପେକ୍ସନିଷ୍ଟ ଆମୀର ଖାନ ଓ କରୀନ କପୁର ଖାନଙ୍କ ବହୁ ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’ ଦୀର୍ଘ ସମୟରୁ ଚର୍ଚ୍ଚାରେ । ଏବର୍ଷ ଖ୍ରୀଷ୍ଟମାସରେ ଫିଲ୍ମ ଦେଖିଥାଆନ୍ତେ ଦର୍ଶକ । ହେଲେ ଏବେ ଲାଗୁଛି ଫିଲ୍ମ ଦେଖିବାକୁ ଆଉ ଗୋଟିଏ ବର୍ଷ ଅପେକ୍ଷା କରିବାକୁ ପଡିବ ସମସ୍ତଙ୍କୁ । କାରଣ କୋରୋନା ପ୍ରକୋପ ପାଇଁ ଫିଲ୍ମର ରିଲିଜ ତାରିଖ ଘୁଞ୍ଚାଇ ଦେଇଛନ୍ତି ମେକର୍ସ । ଫିଲ୍ମ ଏବର୍ଷ ନୁହେଁ ଆସନ୍ତା ବର୍ଷ ଖ୍ରୀଷ୍ଟମାସରେ ରିଲିଜ ହେବ ।
କୋରୋନା ଆତଙ୍କ ଦେଖି ଫିଲ୍ମର ସୁଟିଂ ଅଧାରେ ବନ୍ଦ କରିଥିଲେ ମେକର୍ସ । ଆଉ ଫିଲ୍ମ ସୁଟିଂରେ ବିଳମ୍ବ ଦେଖା ଦେବାରୁ ମେକର୍ସ ଫିଲ୍ମର ରିଲିଜ ତାରିଖକୁ ଘୁଞ୍ଚାଇବାର ନିଷ୍ପତ୍ତି ନେଇଥିଲେ।
ପ୍ରକାଶ ଥାଉକି ହଲିଉଡର ଫେମସ ଫିଲ୍ମ ‘ଫରେଷ୍ଟ ଗମ୍ପ’ର ହିନ୍ଦୀ ଭର୍ସନ ‘ଲାଲ ସିଂ ଚଡ୍ଡା’ । ଦୀର୍ଘ ସମୟପରେ କରୀନା ଓ ଆମୀରଙ୍କ ରୋମାନ୍ସ ପରଦାରେ ଦେଖିବାକୁ ମିଳିବ । ସେହିପରି ଫିଲ୍ମ ନିର୍ଦ୍ଦେଶନା ଦାୟିତ୍ବ ଅଦ୍ବୈତ ଚନ୍ଦନ କରିଥିବା ବେଳେ ଏହାରର ପ୍ରୟୋଜନା ଆମୀର ଭାଏକମ 18 ଷ୍ଟୁଡିଓ ସହ ମିଶି କରିଛନ୍ତି ।
ଫିଲ୍ମର ଆଗାମୀ ସୁଟିଂ ଖୁବଶୀଘ୍ର ତୁର୍କୀରେ କରାଯିବ । ଯାହାପାଇଁ ଆମୀରଙ୍କ ସହ ପୁରା ଟିମ ତୁର୍କୀରେ ପହଞ୍ଚିସାରିଛନ୍ତି ।
ଇଟିଭି ଭାରତ ବ୍ୟୁରୋ, ରିପୋର୍ଟ
