ନୂଆଦିଲ୍ଲୀ: ନୂଆ ବର୍ଷ 2021ରେ ବଲିଉଡର କିଙ୍ଗ ଖାନ ଶାହାରୁଖ ଖାନ ତାଙ୍କ ପ୍ରଶଂସକଙ୍କ ପାଇଁ ଏକ ନୂଆ ଭିଡିଓ ପୋଷ୍ଟ କରିଛନ୍ତି । ଏହି ଭିଡିଓ ସହିତ ସେ ଶେଷରେ ସୂଚାଇ ଦେଇଛନ୍ତି ଯେ ତାଙ୍କୁ ଚଳିତ ବର୍ଷ ବଡ ପରଦାରେ ଦେଖିବାକୁ ମିଳିବ ।
ଶାହାରୁଖ ଗୋଟିଏ ଦିନ ବିଳମ୍ବରେ ତାଙ୍କ ପ୍ରଶଂସକମାନଙ୍କୁ ନୂତନ ବର୍ଷର ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ଯେ ତାଙ୍କ ଟିମ ତାଙ୍କ ସହିତ ନାହାଁନ୍ତି ଏବଂ ସେ ନିଜେ ସବୁ କିଛି କରୁଛନ୍ତି ।
- " class="align-text-top noRightClick twitterSection" data="
">
ଶାହାରୁଖ ତାଙ୍କ ଭିଡିଓରେ ନାଇଟ୍ ସୁଟ୍ ପିନ୍ଧି କହିଛନ୍ତି ଯେ, 2020 ବର୍ଷ ସମସ୍ତଙ୍କ ପାଇଁ ଖରାପ ଥିଲା । ମୁଁ ବିଶ୍ବାସ କରେ ଯେ ଯେତେବେଳେ କିଏ ନିଜ ଜୀବନରେ ବହୁତ ତଳକୁ ଖସିଯାଏ, ସେତେବେଳେ ତାଙ୍କର ପାଖରେ କେବଳ ଗୋଟିଏ ଉପାୟ ଥାଏ ଏବଂ ତାହା ହେଉଛି ଉପରକୁ ଉଠିବା । ମୁଁ ପ୍ରାର୍ଥନା କରୁଛି ଯେ 2021 ସମସ୍ତଙ୍କ ପାଇଁ ବହୁତ ଭଲ ରହୁ ।
ଭିଡିଓରେ ଶାହାରୁଖ ବହୁତ ମଜାଳିଆ କଥାବାର୍ତ୍ତା କରୁଥିବା ଦେଖିବାକୁ ମିଳିଛି ।
ଶାହାରୁଖ ଆହୁରି କହିଛନ୍ତି ଯେ, ମୁଁ ମୋର ପ୍ରଶଂସକମାନଙ୍କୁ କହିବାକୁ ଚାହେଁ ଯେ ମୋତେ ଲମ୍ବା, ନୂଆ ବର୍ଷର ବାର୍ତ୍ତା ପଠାନ୍ତୁ ନାହିଁ, କେବଳ ନୂଆ ବର୍ଷର ଶୁଭକାମନା ଲେଖିଦିଅନ୍ତୁ, ମୁଁ ସେଥିରେ ଖୁସି । ଭିଡିଓର ଶେଷରେ ଶାହାରୁଖ କହିଛନ୍ତି ଯେ, ମୋ ଟିମ ଏଠାରେ ନ ଥିବାରୁ ମୁଁ ନିଜେ ଏହି ଭିଡିଓ ପ୍ରସ୍ତୁତ କରିଛି । ତୁମ ସମସ୍ତଙ୍କୁ ବହୁତ ସାରା ଭଲପାଇବା ଏବଂ ମୁଁ 2021 ରେ ବଡ ପରଦାରେ ଆପଣଙ୍କୁ ଭେଟିବି ।
ପ୍ରକାଶ ଥାଉ ଯେ, ଶାହରୁଖ ୟଶ ରାଜଙ୍କ ଫିଲ୍ମ ପଠାନରେ କାମ କରୁଛନ୍ତି । ଏହି ଚଳଚ୍ଚିତ୍ରରେ ହ୍ରିତିକ ରୋଶନ, ଜନ୍ ଆବ୍ରାହମ ଏବଂ ଦୀପିକା ପାଦୁକୋନଙ୍କୁ ମଧ୍ୟ ଦେଖିବାକୁ ମିଳିବ ।
