ମୁମ୍ବାଇ: ସାଉଥ ସୁପରଷ୍ଟାର ନାଗା ଚୈତନ୍ୟଙ୍କୁ ନେଇ ସାମ୍ନାକୁ ଆସିଲା ଗୁଡନ୍ୟୁଜ । କାରଣ ସୁପରଷ୍ଟାର ଆମୀର ଖାନଙ୍କ ବହୁ ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’ ଜରିଆରେ ବଲିଉଡ ଡେବ୍ୟୁ କରିବେ ସାଉଥ ଆକ୍ଟର ନାଗା । ଆମୀରଙ୍କ ଅଭିନୀତ ଏହି ଫିଲ୍ମରେ ଏକ ଗୁରୁତ୍ବପୂର୍ଣ୍ଣ ଭୂମିକା ଅଭିନୟ କରିବା ପାଇଁ ନାଗାଙ୍କୁ ଆପ୍ରୋଚ କରିଛନ୍ତି ମେକର୍ସ ।
ନାଗାଙ୍କ ପୂର୍ବରୁ ସାଉଥ ଷ୍ଟାର ବିଜୟ ସେତୁପଥି ‘ଲାଲ ସିଂ ଚଡ୍ଡା’ରେ ଅଭିନୟ କରିବାକୁ ନେଇ ଚର୍ଚ୍ଚା ହେଉଥିଲା । ହେଲେ ଏବେ ଲାଗୁଛି ବିଜୟକୁ ଏହି ଫିଲ୍ମରୁ ରିପ୍ଲେସ କରିବେ ନାଗା । ଆଉ ଆସନ୍ତା ମେ ମାସରେ ଫିଲ୍ମର ସୁଟିଂ ଆରମ୍ଭ କରିବେ ସେ ।
ହେଲେ ଏଯାବତ ଆମୀର କିମ୍ବା ନାଗାଙ୍କ ତରଫରୁ ଏହାକୁ ନେଇ କୌଣସି ଅଧିକାରୀକ ସୂଚନା ଦିଆଯାଇନାହିଁ । ପ୍ରକାଶ ଥାଉକି ଆମୀର ବ୍ୟତୀତ ଏହି ଫିଲ୍ମରେ ବି-ଟାଉନର ବେବୋ କରୀନା କପୁର ଖାନଙ୍କୁ ଦେଖିବାକୁ ମିଳିବ । ଫିଲ୍ମଟି ହଲିଉଡର ସୁପରହିଟ୍ ଫିଲ୍ମ ‘ଫରେଷ୍ଟ ଗମ୍ପ’ର ହିନ୍ଦୀ ରିମେକ ଫିଲ୍ମ ।
