ମୁମ୍ବାଇ: ସାଉଥର ଫେମସ ଅଭିନେତ୍ରୀ ପୂଜା ହେଗଡେ ଖୁବଶୀଘ୍ର ସୁପରଷ୍ଟାର ସଲମାନ ଖାନଙ୍କ ସହ ଆଗାମୀ ଫିଲ୍ମ ‘କଭି ଇଦ କଭି ଦିୱାଲୀ’ରେ ନଜର ଆସିବେ । ଯାହାକୁ ନେଇ ଏକ୍ସାଇଡେଟ ଫ୍ୟାନ୍ସ । ସେପଟେ ନିକଟରେ କୋରୋନା ସଂକ୍ରମିତ ହୋଇଥିଲେ ଅଭିନେତ୍ରୀ । ହେଲେ ଇତିମଧ୍ୟରେ ସଲମାନଙ୍କୁ ନେଇ ମନକଥା କହିଛନ୍ତି ସେ।
- " class="align-text-top noRightClick twitterSection" data="
">
ଆଜ୍ଞା ହଁ, ସେ ଚାହୁଁଛନ୍ତି କଭି ଇଦ କଭି ଦିୱାଲୀର ସେଟରେ ସେ ସଲମାନଙ୍କୁ ଶୀଘ୍ର ଭେଟିବା ପାଇଁ । ସେହିପରି ଫିଲ୍ମ ବିଷୟରେ ଆଲୋଚନା କରି ସେ ଆହୁରି କହିଛନ୍ତି, ‘ଏହା ଏକ କମେଡି ଫିଲ୍ମ । ଯାହାକୁ ଦର୍ଶକଙ୍କୁ ହସାଇବ । ଆମେ ଏହାକୁ କିଛି ସମୟ ପୂର୍ବରୁ ଆରମ୍ଭ କରିବାକୁ ଯୋଜନା କରିଥିଲୁ, କିନ୍ତୁ ମହାମାରୀ ସୁଟିଂ କାର୍ଯ୍ୟସୂଚୀକୁ ପ୍ରଭାବିତ କରିଛି । ଥରେ ଜିନିଷ ଟିକିଏ ଭଲ ହୋଇଗଲେ, ଆମେ ଆଶା କରୁଛୁ ଯେ ସୁଟିଂ ଆରମ୍ଭ କରିବାକୁ ସମର୍ଥ ହେବୁ । ମୁଁ ସଲମାନଙ୍କ ସହ କାମ କରିବାକୁ ଅତ୍ୟଧିକ ଉତ୍ସାହିତ ଏବଂ ଆନନ୍ଦିତ ଅଛି । ତାଙ୍କ ସହିତ ମୋର ପ୍ରଥମ ଫିଲ୍ମ ସୁଟ କରିବା ସହ ଏହା ଉପରେ ବିଚାର କରିବା ପାଇଁ ମୁଁ ଆଉ ଅପେକ୍ଷା କରୁପାରୁନାହିଁ।’
ପ୍ରକାଶ ଥାଉକି ‘କଭି ଇଦ କଭି ଦିୱାଲୀ’ ବ୍ୟତୀତ ‘ବାହୁବଳୀ’ ଫେମ ପ୍ରଭାସଙ୍କ ବହୁ ଚର୍ଚ୍ଚିତ ଫିଲ୍ମ ‘ରାଧେଶ୍ୟାମ’ରେ ଦେଖାଯିବେ ପୂଜା । ଏହି ଫିଲ୍ମ ତେଲୁଗୁ, ତାମିଲ, ହିନ୍ଦୀ, କନ୍ନଡ ଓ ମାଲାୟାଲମରେ ରିଲିଜ ହେବ । ଏବର୍ଷ ଜୁଲାଇ 30ରେ ହଲରେ ରିଲିଜ ହେବ ଫିଲ୍ମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
