ମୁମ୍ବାଇ: ବଲିଉଡ଼ର ପାୱାର ଷ୍ଟାର ଅକ୍ଷୟ କୁମାର, ଅଜୟ ଦେବଗନ, ରଣବୀର ସିଂହ ଓ କ୍ୟାଟ୍ରିନା କୈଫଙ୍କ ଅଭିନୀତ ଆକ୍ସନ ଫିଲ୍ମ 'ସୂର୍ଯ୍ୟବଂଶୀ' ୧୦୦ କୋଟି କ୍ଲବରେ ପ୍ରବେଶ କରିଛି । ବକ୍ସ ଅଫିସରେ ଫିଲ୍ମର ସଫଳତା ପରେ ନିର୍ଦ୍ଦେଶକ ରୋହିତ ସେଟ୍ଟୀ ଦେଶବାସୀଙ୍କ ଧନ୍ୟବାଦ ଜଣାଇଛନ୍ତି । ସେପଟେ ୱିକେଣ୍ଡ ଦିନ ବ୍ୟତୀତ ଅନ୍ୟ ଦିନରେ ମଧ୍ୟ ଫିଲ୍ମରେ ଦର୍ଶକଙ୍କ ଭିଡ଼ ଜମୁଥିବା ଦେଖିବାକୁ ମିଳିଛି ।
ଭାରତୀୟ ଚଳଚ୍ଚିତ୍ର ସମାଲୋଚକ ତଥା ବାଣିଜ୍ୟ ବିଶ୍ଳେଷଣକାରୀ ତରନ ଆଦର୍ଶ ଟ୍ବିଟ କରି ଲେଖିଛନ୍ତି ଯେ ୱିକେଣ୍ଡ ଦିନ ବଦଳରେ ମହାରାଷ୍ଟ୍ର ଓ ଗୁଜୁରାଟରେ ସିନେମା ହଲରେ ଭିଡ଼ ଦେଖିବାକୁ ମିଳିଛି । ଗତ ଶୁକ୍ରବାର ଫିଲ୍ମ ୨୬.୨୯ କୋଟି ରୋଜଗାର କରିଥିବା ବେଳେ ଶନିବାର ୨୩.୮୫ କୋଟି, ରବିବାର ୨୬.୯୪ କୋଟି, ସୋମବାର ୧୪.୫୧ କୋଟି ଓ ମଙ୍ଗଳବାର ୧୧.୨୨ କୋଟି ରୋଜଗାର କରିଥିଲା ।
ଏହି ଫିଲ୍ମଟି ଆସନ୍ତା ନଭେମ୍ବର ୫ ତାରିଖରେ ରିଲିଜ ହୋଇଥିଲା । ତେବେ ଫିଲ୍ମକୁ ମାତ୍ର ସପ୍ତାହେ ହୋଇଥିବା ବେଳେ ଏହା ୧୦୦ କୋଟି କ୍ଲବରେ ପ୍ରବେଶ କରିଛି । ତେବେ ବକ୍ସ ଅଫିସ କଲେକ୍ସନ ଦେଖି ନିର୍ଦ୍ଦେଶକ ରୋହିତ ବହୁତ ଖୁସିଥିବା ଦେଖିବାକୁ ମିଳିଛି । ରୋହିତ ଫିଲ୍ମ ପ୍ରତି ଦର୍ଶକଙ୍କ ଭଲ ପାଇବା ଯୋଗୁଁ ନିଜ ଇନଷ୍ଟାଗ୍ରାମ ଆକାଉଣ୍ଟ ଜରିଆରେ ଦେଶବାସୀଙ୍କୁ ଧନ୍ୟବାଦ ଜଣାଇଛନ୍ତି । ତେବେ 'ସୂର୍ଯ୍ୟବଂଶୀ' ହେଉଛି ରୋହିତଙ୍କ ୯ତମ ଫିଲ୍ମ ଯାହାକି ୧୦୦ କୋଟି କ୍ଲବରେ ପ୍ରବେଶ କରିଛି ।
@ANI
