ହାଇଦ୍ରାବାଦ: ଆଜକୁ ବର୍ଷେ ପୂର୍ବେ କ୍ୟାନ୍ସର ହୋଇଥିବା ସୂଚନା ଦେଇଥିଲେ ନିଜେ ସୋନାଲି ବେନ୍ଦ୍ରେ । ଦୀର୍ଘ ଏକ ବର୍ଷର ଏହି ଯାତ୍ରା ସୋନାଲିଙ୍କୁ ଶକ୍ତିଶାଳୀ କରିଛି ବୋଲି ସୋସିଆଲ ମିଡିଆରେ ସେୟାର କରିଛନ୍ତି ଏହି ଅଭିନେତ୍ରୀ ।
ଅତି ସୁନ୍ଦର ଭାବେ ଅତୀତ ଓ ବର୍ତ୍ତମାନର ଫଟୋକୁ କୋଲାଜ କରି ସେୟାର କରିଛନ୍ତି ସୋନାଲି । ଏହି 43 ବର୍ଷିୟ ଅଭିନେତ୍ରୀଙ୍କୁ କ୍ୟାନ୍ସର ହୋଇଥିବା ଶୁଣିବା ପରେ ଫ୍ୟାନ୍ସଙ୍କୁ ଶକ୍ତ ଧକ୍କା ଲାଗିଥିଲା । ମାତ୍ର ସୋନାଲି କେବେ ବିଚଳିତ ହୋଇନଥିଲେ । ସେ ଏଇ ଯାତ୍ରାରେ କେଉଁ କେଉଁ ସ୍ତର ଦେଇ ଗତି କରୁଛନ୍ତି ସବୁର ସୂଚନା ଦେଇଥିଲେ ।
ଅଭିନେତ୍ରୀ ଜଣକ ନିଜ ପୋଷ୍ଟରେ କିଛି ପଜିଟିଭ ମେସେଜ ମଧ୍ୟ ସେୟାର କରିଛନ୍ତି । ଶେଷ ଥର ପାଇଁ ସୋନାଲି ଟେଲିଭିଜନର ପପୁଲାର ଶୋ' ଇଣ୍ଡିଆଜ ବେଷ୍ଟ ଡ୍ରାମେବାଜରେ ନଜର ଆସିଥିଲେ । ଏହାପରେ ତାଙ୍କୁ କ୍ୟାନ୍ସର ହୋଇଛି ବୋଲି ଜଣାପଡିଥିଲା ।
