ହାଇଦ୍ରାବାଦ: ଗତ କିଛି ଦିନ ହେବ ସଲମାନ ଖାନ ଏବଂ ସୋନାକ୍ଷୀ ସିହ୍ନାଙ୍କ ନକଲି ବିବାହ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଫଟୋରେ ସଲମାନ ଖାନ ଅଭିନେତ୍ରୀ ସୋନାକ୍ଷୀ ସିହ୍ନାଙ୍କୁ ଏକ ରିଙ୍ଗ ପିନ୍ଧାଉଥିବା ଦେଖିବାକୁ ମିଳୁଛି । ଫଟୋସପ୍ ହୋଇଥିବା ଏହି ଫଟୋ ସାମ୍ନାକୁ ଆସିବା ପରେ ଏକ ଜବରଦସ୍ତ ଗୁଜବ ସୃଷ୍ଟି ହୋଇଛି । ବର୍ତ୍ତମାନ ଏହି ଭାଇରାଲ ଫଟୋ ଉପରେ ଅଭିନେତ୍ରୀଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।
- " class="align-text-top noRightClick twitterSection" data="
">
ନକଲି ଫଟୋକୁ ନେଇ ଏମିତି କହିଲେ ସୋନାକ୍ଷୀ ସିହ୍ନା ?
ସୋନାକ୍ଷୀ ସିହ୍ନା, ଏକ ପୋଷ୍ଟର ପ୍ରତିକ୍ରିୟାରେ ଲେଖିଛନ୍ତି- କଣ ଆପଣ ମୁର୍ଖ ଅଟନ୍ତି, ପ୍ରକୃତ ଏବଂ ଫଟୋସପ୍ ହୋଇଥିବା ଫଟୋ ମଧ୍ୟରେ ପାର୍ଥକ୍ୟ କରିପାରିବେ ନାହିଁ । ସୋନାକ୍ଷୀ ସିହ୍ନା ତାଙ୍କର ଏହି କମେଣ୍ଟ ସହିତ ଏକ ହସୁଥିବା ଇମୋଜି ମଧ୍ୟ ସେୟାର କରିଛନ୍ତି । ଏବେ ସୋନାକ୍ଷୀଙ୍କ ପ୍ରତିକ୍ରିୟା ତ ଆସି ଯାଇଛି, କିନ୍ତୁ ଏହି ନକଲି ଫଟୋରେ ସଲମାନ ଖାନଙ୍କଠାରୁ ଏପର୍ଯ୍ୟନ୍ତ କିଛି ପ୍ରତିକ୍ରିୟା ମିଳିପାରିନାହିଁ ।
ସୋନାକ୍ଷୀ ସିହ୍ନା ଏବଂ ସଲମାନ ଖାନଙ୍କ ଏହି ଫଟୋ ବହୁତ ଭାଇରାଲ ହେବାରେ ଲାଗିଛି । ଫଟୋରେ ସଲମାନ ଖାନ ଏକ ଧଳା ସାର୍ଟ ଏବଂ ବ୍ଲେଜର ଜ୍ୟାକେଟରେ ଡ୍ୟାସିଙ୍ଗ୍ ଦେଖାଯାଉଛନ୍ତି । ଅନ୍ୟପକ୍ଷରେ, ସୋନାକ୍ଷୀ ସିହ୍ନା ଏକ ନାଲି ଶାଢୀରେ ସୁନ୍ଦର ଦେଖାଯାଉଛନ୍ତି । ସଲମାନ ତାଙ୍କୁ ଏକ ରିଙ୍ଗ ପିନ୍ଧାଉଛନ୍ତି । ବାସ୍ତବରେ, ଏହି ଫଟୋକୁ ଏକ ନଜରରେ ଦେଖିଲେ ଏହା ଜଣା ପଡୁଛି ଯେ, ଏହାକୁ ଫଟୋସପ୍ ମାଧ୍ୟମରେ କରାଯାଇଛି ।
ସଲମାନ ଖାନ ଏବଂ ସୋନାକ୍ଷୀ ସିହ୍ନାଙ୍କ କାମ ବିଷୟରେ କହିବାକୁ ଗଲେ ଅଭିନେତା ଟାଇଗର 3 ନଜର ଆସିବେ। ଏହାର ରିଲିଜ୍ ତାରିଖ ଘୋଷଣା କରାଯାଇଛି । ଏହା ଆସନ୍ତା ବର୍ଷ ଇଦରେ ମୁକ୍ତିଲାଭ କରିବ । ଏଥି ସହିତ ଅଭିନେତାଙ୍କ 'କଭି ଇଦ୍ କଭି ଦିୱାଲୀ' ଚଳିତ ବର୍ଷ ଡିସେମ୍ବର 30 ରେ ପ୍ରେକ୍ଷାଳୟକୁ ଆସିବ । ସୋନାକ୍ଷୀ ସିହ୍ନାଙ୍କ ଆଗାମୀ ଚଳଚ୍ଚିତ୍ର ହେଉଛି ଡବଲ୍ ଏକ୍ସଏଲ୍, ଯେଉଁଥିରେ ହୁମା କୁରେଶି ତାଙ୍କ ସହ ନଜର ଆସିବେ।
ବ୍ୟୁରୋ ରିପୋର୍ଟ, ଇଟିଭି ଭାରତ
