ମୁମ୍ବାଇ: ମାଇକ୍ରୋ ବ୍ଲଗିଂ ସାଇଟ ଟ୍ବିଟରକୁ ବାଏ ବାଏ କରିଛନ୍ତି ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା । ଅନେକ ଥର ବିଭିନ୍ନ ବିଷୟକୁ ନେଇ ଟ୍ରୋଲ ହୋଇଛନ୍ତି ଏହି ଅଭିନେତ୍ରୀ । କିନ୍ତୁ ସମସ୍ତଙ୍କୁ କଡା ଜବାବ ଦେଇଛନ୍ତି । କିନ୍ତୁ ବର୍ତ୍ତମାନ ସେ କିଛି ନକରାତ୍ମକ ଲୋକଙ୍କ ଠାରୁ ଦୂରେଇ ରହିବା ପାଇଁ ସେ ଏପରି ନିଷ୍ପତ୍ତି ନେଇଥିବା କହିଛନ୍ତି ।
ଟ୍ବିଟରକୁ ଡିଆକ୍ଟିଭ କରିବା ପରେ ସେ ନିଜ ଇନଷ୍ଟାଗ୍ରାମ ପେଜରେ ଲେଖିଛନ୍ତି, ନକରାତ୍ମକତା ଠାରୁ ଦୂରେଇ ଶାନ୍ତିରେ ରହିବା । ସୋନାକ୍ଷୀଙ୍କର ଟ୍ବିଟରରେ ପ୍ରାୟ 15.9 ମିଲିଅନ ଫଲୋୟର୍ସ ଥିଲେ । କିନ୍ତୁ ଅଭିନେତା ସୁଶାନ୍ତ ସିଂଙ୍କ ମୃତ୍ୟୁରେ ଦୁଃଖ ପ୍ରକାଶ କରି କିମ୍ବା ଅଧିକ ଟ୍ରୋଲର ଶିକାର ହେଉଥିବା ଯୋଗୁଁ ସୋନାକ୍ଷୀ ଏପରି କରୁଥିବା ଲୋକଙ୍କ ଭିତରେ ଖୁବ ଚର୍ଚ୍ଚା ହେଉଛି ।
