ହାଇଦ୍ରାବାଦ: ସଲମାନଙ୍କୁ ଟାର୍ଗେଟ କରିଛନ୍ତି କଣ୍ଠଶିଳ୍ପୀ ସୋନା ମହାପାତ୍ର । ଏହାର କାରଣ ହେଉଛନ୍ତି ପ୍ରିୟଙ୍କା ଚୋପ୍ରା ଜୋନାସ । ‘ଭାରତ’ ଫିଲ୍ମରୁ ପ୍ରିୟଙ୍କାଙ୍କ ବ୍ୟାକଆଉଟ ପରେ ସଲମାନ ସବୁ ସମୟରେ ପ୍ରିୟଙ୍କାଙ୍କୁ ଟାର୍ଗେଟ କରିଥାଆନ୍ତି ତେବେ ଏହି କଥା ସୋନାଙ୍କୁ ହଜମ ହେଲାନି ଓ ଶେଷରେ ସଲମାନଙ୍କୁ ଆକ୍ଷେପ କରିଥିଲେ ସୋନା ।
ଭାଇଜାନ ଏବେ ଫିଲ୍ମ ଭାରତର ପ୍ରମୋଶନରେ ବ୍ୟସ୍ତ ଅଛନ୍ତି । ଫିଲ୍ମରେ କ୍ୟାଟ୍ରିନାଙ୍କ ସହ ରୋମାନ୍ସ କରିଛନ୍ତି ସଲମାନ । ତେବେ କ୍ୟାଟ୍ରିନାଙ୍କ ପୂର୍ବରୁ ପ୍ରଥମେ ପ୍ରିୟଙ୍କାଙ୍କୁ ଅଫର ଦିଆଯାଇଥିଲା । ଏପରିକି ସେ ଫିଲ୍ମ ସାଇନ ମଧ୍ୟ କରିଥିଲେ ମାତ୍ର ପରେ ନିକଙ୍କ ସହ ବିବାହ ପାଇଁ ଫିଲ୍ମ ଛାଡିଦେଇଥିଲେ ।
ତେବେ ଏନେଇ ପ୍ରିୟଙ୍କାଙ୍କ ଉପରେ ରାଗିଛନ୍ତି ସଲମାନ । ଫିଲ୍ମର ପ୍ରମୋଶନ ସମୟରେ ଯେତେବେଳେ ସଲମାନଙ୍କୁ ଏହି ବିଷୟରେ ପ୍ରଶ୍ନ କରାଯାଏ ସେତେବେଳେ ତାଙ୍କ ଉତ୍ତରରୁ ପ୍ରିୟଙ୍କାଙ୍କ ଉପରେ ଥିବା ରାଗ ସ୍ପଷ୍ଟ ଜଣାପଡେ ।
ତେବେ ସୋନାଙ୍କ ଆକ୍ଷେପ ପରେ ସଲମାନଙ୍କ ଫ୍ୟାନ୍ସ ପ୍ରିୟଙ୍କା ଓ ନିକ ଭିତରେ ଥିବା ଏଜ ଗ୍ୟାପକୁ ନେଇ ପ୍ରଶ୍ନ ଉଠାଇଥିଲେ ମାତ୍ର ସୋନା ସେମାନଙ୍କୁ ବି ଛାଡି ନଥିଲେ । ଟ୍ବିଟରରେ ସେମାନଙ୍କୁ କଡା ଜବାବ ଦେଇଛନ୍ତି ସୋନା ।
