ହାଇଦ୍ରାବାଦ: ବଲିଉଡର ଟାଇଗର ସଲମାନ ଖାନଙ୍କ ଟାର୍ଗେଟ କରିବାର ଗୋଟେ ବି ସୁଯୋଗ ଛାଡୁ ନାହାନ୍ତି ସୋନା ମହାପାତ୍ର । ଏଥର ପୁଣି ସଲମାନଙ୍କୁ ଟାର୍ଗେଟ କରିଛନ୍ତି ସୋନା । ‘ଭାରତ’ର ବକ୍ସ ଅଫିସରେ ଅସଫଳତାକୁ ନେଇ ସଲମାନଙ୍କ ପେପର ଟାଇଗର କହିଛନ୍ତି ସୋନା ।
ପ୍ରକାଶଥାଉକି, ପ୍ରଥମ ଦିନରେ ଭାରତର ଜବରଦସ୍ତ ଓପନିଂ ହୋଇଥିବା ବେଳେ ଦ୍ବିତୀୟ ସପ୍ତାହରେ ଭାରତ କ୍ରେଜ ଧିରେ ଧିରେ କମିବାକୁ ଲାଗିଥିଲା । ଯେତିକି ଜୋରସୋରରେ ଭାରତର ପ୍ରମୋଶନ କରାଯାଉଥିଲା, ପରଦାରେ ସେତିକି ଭଲ ପ୍ରଦର୍ଶନ କରିପାରିନଥିଲା । ଏହାକୁ ନେଇ ସୋନା କରିଥିଲେ ଟାର୍ଗେଟ ।
ପେପର ଟାଇଗରକୁ ପୂଜା ନ କରିବାକୁ କହିଛନ୍ତି ସୋନା । ବକ୍ସ ଅଫିସର ଟ୍ବିଟକୁ ରି-ଟ୍ବିଟ କରି ସୋନା ଲେଖିଥିଲେ, ‘ଭାରତ ଯେତିକି ପ୍ରମୋଟ କରୁଥିଲା ସେତିକି ଦର୍ଶକଙ୍କ ଆଶା ପୂରଣ କରିପାରିନି ତେଣୁ ପେପର ଟାଇଗରକୁ ପୂଜା କରିବା ବନ୍ଦ କର’ ।
ପୂର୍ବରୁ ପ୍ରିୟଙ୍କାଙ୍କୁ ସମର୍ଥନ କରି ସୋନା ସଲମାନଙ୍କୁ ଟାର୍ଗେଟ କରିଥିଲେ । ଭାରତରୁ ବ୍ୟାକଆଉଟ କରିଥିବାରୁ ପ୍ରିୟଙ୍କା ଚୋପ୍ରାଙ୍କ ଉପରେ ରାଗ ଶୁଝାଉଥିଲେ ସଲମାନ ଯାହାର ପ୍ରତିବାଦ କରିଥିଲେ ସୋନା । ଏହାପରେ ସଲମାନଙ୍କ ଫ୍ୟାନ ସୋନାଙ୍କୁ ମାରିଦେବା ପାଇଁ ଧମକି ଦେଇଥିଲେ ।
