ମୁମ୍ବାଇ: ବିଗ ବସ 13 ବିଜେତା ସିଦ୍ଧାର୍ଥ ଶୁକ୍ଲା ଓ ଫେମସ ପ୍ରତିଯୋଗୀ ସେହନାଜ ଗିଲଙ୍କ ଯୋଡି ଦର୍ଶକଙ୍କ ଖୁବ୍ ମନ କିଣିଥିଲେ। ବିଗ ବସ ହାଉସରେ ଦୁଇଜଣଙ୍କ ଖଟାମିଠା ନୋକ-ଝୋକ ସବୁବେଳେ ଦେଖିବାକୁ ପସନ୍ଦ କରିଥିଲେ ଦର୍ଶକ । ବିଗ ବସ ପରେ ଏହି ଯୋଡିକୁ ପୁଣିଥରେ ଏକାଠି ଦେଖିବାକୁ ବ୍ୟାକୁଳ ଫ୍ୟାନ୍ସ । ଏହି ରିୟାଲିଟି ଶୋ ଶେଷ ହେବା ପରେ ସେହନାଜ କଲର୍ସର ନୂଆ ଶୋ ‘ମୁଝସେ ଶାଦୀ କରୋଗେ’ରେ ବ୍ୟସ୍ତ। ହେଲେ ଇତିମଧ୍ୟରେ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ ସାମ୍ନାକୁ ଆସିଛି ।
ଆଜ୍ଞା ହଁ, ଖୁବଶୀଘ୍ର ଏହି ଯୋଡି ଛୋଟ ପରଦାର କମେଡି କିଙ୍ଗ କପିଲ ଶର୍ମାଙ୍କ ଶୋରେ ଏକାଠି ନଜର ଆସିପାରନ୍ତି । ଯାହାର ଚର୍ଚ୍ଚା କିଛି ଦିନରୁ ଜୋର ଧରିଛି । ଏଯାବତ ଏହି ଖବରକୁ ନେଇ କନଫର୍ମେଶନ ଷ୍ଟେଟମେଣ୍ଟ ସାମ୍ନାକୁ ଆସିନାହିଁ । ପୂର୍ବରୁ ମଧ୍ୟ କପିଲଙ୍କ ଶୋରେ ବିଗ ବସ ପ୍ରତିଯୋଗୀ ନଜର ଆସିସାରିଛନ୍ତି । ଏବେ ଦେଖିବା ବାକି ରହିଲା ଏହି ଯୋଡି କେବେ ଏକାଠି ନଜର ଆସିବେ।
ପ୍ରକାଶ ଥାଉକି ଏକ ସାକ୍ଷାତକାରରେ ଶେହନାଜ କହିଥିଲେ ସେ ସିଦ୍ଧାର୍ଥଙ୍କୁ ପ୍ରେମ କରୁଛନ୍ତି । ଆଉ ନିଜ ସମ୍ପର୍କକୁ ଆଗକୁ ବଢାଇବାକୁ ମଧ୍ୟ ଚାହୁଁଛନ୍ତି । ହେଲେ ତାଙ୍କ ସମ୍ପର୍କ ସିଦ୍ଧାର୍ଥଙ୍କ ଉପରେ ନିର୍ଭର କରୁଛି । ସେ ଯାହା ଚାହିଁବେ ତାହା ହେବ । ଅନ୍ୟପଟେ ସିଦ୍ଧାର୍ଥ ମଧ୍ୟ କହିଥିଲେ ଯେ ସେ ଦୁଇଜଣ ବିଗ ବସ ହାଉସରେ ଏକାଠି ଖୁବ୍ ଏନଜୟ କରିଥିଲେ । ଦୁଇଜଣ ପରସ୍ପର ସହ ସବୁବେଳେ ମଜାକମସ୍ତି କରନ୍ତି । ସେ ହାଉସରେ ମେଣ୍ଟାଲି ରିଲାକ୍ସ କରୁଥିଲେ । ତାଙ୍କୁ ସେହନାଜଙ୍କ ସହ ଏତେ ମଜା ଆସୁଥିଲା ଯେ ତାଙ୍କର ସବୁ ଷ୍ଟ୍ରେସ ଶେଷ ହୋଇଯାଉଥିଲା ।
