ମୁମ୍ବାଇ: ବରୁଣ ଧୱନ ଓ ଶ୍ରଦ୍ଧା କପୁରଙ୍କ ଆଗାମୀ ଫିଲ୍ମ 'ଷ୍ଟ୍ରିଟ ଡାନ୍ସର 3ଡି'ର ରିଲିଜ ତାରିଖ ଘୋଷଣା ହୋଇସାରିଛି । ରେମୋ ଡିସୁଜାଙ୍କ ନିର୍ଦ୍ଦେଶନାରେ ତିଆର ହେଉଥିବା ଏହି ଫିଲ୍ମ ଆସନ୍ତା ବର୍ଷ ଜାନୁଆରୀ 24ରେ ପରଦାରେ ରିଲିଜ ହେବ । 'ଷ୍ଟ୍ରିଟ ଡାନ୍ସର 3ଡି' ଜରିଆରେ ଦ୍ବିତୀୟଥର ବରୁଣ ଓ ଶ୍ରଦ୍ଧାଙ୍କ ଯୋଡି ପରଦାରେ ଦେଖିବାକୁ ପାଇ ଦର୍ଶକ ।
ଫିଲ୍ମରେ ଏହି ଦୁଇଜଣଙ୍କ ବ୍ୟତୀତ ନୋରା ଫତେହୀ, ପ୍ରଭୁ ଦେବା, ପୁନୀତ ପାଠକ, ରାଘବ ଜୁୟାଲ ଓ ଧର୍ମେଶ ୟେଲାଣ୍ଡେ ସପୋର୍ଟିଂ ରୋଲରେ ଦେଖାଯିବେ । ଇତିମଧ୍ୟରେ ଫ୍ୟାନ୍ସଙ୍କ ପାଇଁ ଏକ ନୈରାଶଜନକ ଖବର ସାମ୍ନାକୁ ଆସିଛି । ଯାହା ଶୁଣି ଶ୍ରଦ୍ଧାଙ୍କ ଫ୍ୟାନ୍ସ ଦୁଃଖି ହୋଇଯିବେ । କଥାଟି ହେଲା କି ସୁଟିଂ ସେଟରେ ଆହତ ହୋଇଛନ୍ତି ଶ୍ରଦ୍ଧା ।
ଏହି କଥାର ଖୁଲାସା ଶ୍ରଦ୍ଧା ନିଜ ଇନଷ୍ଟାଗ୍ରାମ ଜରିଆରେ କରିଛନ୍ତି । ତାଙ୍କ କାନ୍ଧରେ ଆଘାତ ଲାଗିଛି । ଯାହାଦ୍ବାରା ସେ ବର୍ତ୍ତମାନ ଫିଜିୟୋ କରୁଛନ୍ତି । ଏବେ ତାଙ୍କୁ ଡାକ୍ତର କିଛି ଦିନ ପାଇଁ ରେଷ୍ଟ ନେବାକୁ କହିଛନ୍ତି । ସେ ସୁସ୍ଥ ହୋଇ ସୁଟିଂକୁ ଖୁବ୍ ଶୀଘ୍ର ଫେରିବେ ବୋଲି ଶୁଣିବାକୁ ମିଳୁଛି ।
ଯଦି ଫିଲ୍ମ ବିଷୟରେ ଆଲୋଚନା କରିବେ, ତେବେ ଫିଲ୍ମଟି 3Dରେ ରିଲିଜ କରାଯିବ । 'ଷ୍ଟ୍ରିଟ ଡାନ୍ସର 3ଡି' ସମ୍ପୂର୍ଣ୍ଣ ରୂପେ ଡାନ୍ସ ଡ୍ରାମା ଉପରେ ଆଧାରିତ । ଏହି ଫିଲ୍ମ ପୂର୍ବରୁ ବରୁଣ ଓ ଶ୍ରଦ୍ଧା 'ଏବିସିଡି-2'ରେ ଏକାଠି ଅଭିନୟ କରିଥିଲେ ।
