ମୁମ୍ବାଇ: ଖୁବଶୀଘ୍ର ପରଦାକୁ ଆସିବ ସୁଶାନ୍ତ ସିଂ ରାଜପୁତ ଓ ଶ୍ରଦ୍ଧା କପୁରଙ୍କ ଅପକମିଂ ଫିଲ୍ମ ‘ଛିଛୋରେ’ । ଆଉ ଦର୍ଶକଙ୍କ ଏକ୍ସାଇଟମେଣ୍ଟ ବଜାଇ ରଖିବାରେ କୌଣସି ସୁଯୋଗ ଛାଡୁନାହାଁନ୍ତି ମେକର୍ସ । ଇତିମଧ୍ୟରେ ମେକର୍ସ ଫିଲ୍ମର ଆଉ ଏକ ମଜାଦାର ଗୀତ ରିଲିଜ କରିଛନ୍ତି । ସୋମବାର ସକାଳେ ଗୀତ ରିଲିଜ ହେବାର ସୂଚନା ସୁଶାନ୍ତଙ୍କ ଟିମ ସୋସିଆଲ ମିଡିଆରେ ଟିଜର ସେୟାର କରିଦେଇଥିଲେ ।
କିଛି ସମୟ ପୂର୍ବରୁ ରିଲିଜ ହୋଇଥିବା ଗୀତ ‘ୱୋ ଦିନ’କୁ ଖୁବ୍ ପସନ୍ଦ କରିଛନ୍ତି ଦର୍ଶକ । ଏହି ଗୀତରେ କଲେଜ ଲାଇଫର ମଜାଦାର କାହାଣୀ ଦେଖିବାକୁ ମିଳୁଛି । ଯାହା ଦର୍ଶକଙ୍କୁ ନିଜ କଲେଜ ଦିନ ମନେ ପକାଇଦେବ । ଗୀତଟିକୁ ତୁଷାର ଯୋଶୀ ଗାଇଥିବା ବେଳେ ଲେଖିଛନ୍ତି ଅମିତାଭ ଭଟ୍ଟାଚାର୍ଯ୍ୟା । ସେହିପରି ଗୀତରେ ଦମଦାର ମ୍ୟୁଜିକ ତଡକା ଲଗାଇଛନ୍ତି ପ୍ରିତମ ।
ସେପ୍ଟେମ୍ବର 6ରେ ରିଲିଜ ହେବାକୁ ଯାଉଥିବା ଏହି ଫିଲ୍ମରେ ସୁଶାନ୍ତ ଓ ଶ୍ରଦ୍ଧାଙ୍କ ବ୍ୟତୀତ ବରୁଣ ଶର୍ମା, ପ୍ରତୀକ ବବ୍ବର, ତାହିର ରାଜ ବାସିନ୍, ତୁଷାର ପାଣ୍ଡେ ଓ ନଲନେଶ ନିଲ ମୁଖ୍ୟ ଭୂମିକାରେ ନଜର ଆସିବେ । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ନିତୀଶ ତିୱାରୀ ।
