ମୁମ୍ବାଇ: ସେକ୍ସୀ ଶିଳ୍ପା ସେଟ୍ଟୀ ଫିଲ୍ମ ଠାରୁ ଅଧିକା ନିଜ ଫିଟନେସ ପାଇଁ ସବୁବେଳେ ଚର୍ଚ୍ଚାରେ ଆସନ୍ତି । ସେ ଯୋଗ ଭିଡିଓ ସହ ନିଜର ଫିଟନେସ ଭିଡିଓ ଆପ ଲଞ୍ଚ କରିସାରିଛନ୍ତି । କିନ୍ତୁ ଏଥର ଶିଳ୍ପା ପୁରା ଦେଶର ସ୍ବାସ୍ଥ୍ୟ ବିଷୟରେ ଧ୍ୟାନ ରଖିବେ ।
ଆଜ୍ଞା ହଁ, ସେ ବର୍ତ୍ତମାନ କେନ୍ଦ୍ର ସରକାରଙ୍କ ଫିଟ୍ ଇଣ୍ଡିଆ ଅଭିଯାନର ପାଇଁ ତିଆରି ହୋଇଥିବା କମିଟିର ସଦସ୍ୟ ହୋଇଛନ୍ତି । ଯାହାର ସୂଚନା ଫ୍ୟାନ୍ସଙ୍କୁ ସେ ସୋସିଆଲ ମିଡିଆରେ ଦେଇଛନ୍ତି ।
ଶୁକ୍ରବାର ଶିଳ୍ପା ଟ୍ବିଟ କରି ଏହି କଥା ସୂଚନା ଦେଇ ଲେଖିଛନ୍ତି, ‘ ପ୍ରଧାନମନ୍ତ୍ରୀଙ୍କ ଦ୍ବାରା ଆରମ୍ଭ କରାଯାଇଥିବା ଫିଟ୍ ଇଣ୍ଡିଆ ଅଭିଯାନର ପରାର୍ମଶଦାତା ସମିତିରେ ମତେ ସଦସ୍ୟ କରାଯିବାରୁ ମୁଁ ବହୁତ ଖୁସି ଅନୁଭବ କରୁଛି । ଆଶା କରୁଛି ଯେ ସବୁ ଭାରତୀୟଙ୍କୁ ଫିଟ୍ ରଖିବାର ସହଜ ଉପାୟ ଖୋଜିବାରେ ମୁଁ ସାହାଯ୍ୟ କରିପାରିବା ସହ ଏହି ଅଭିଯାନକୁ ଆହୁରି ସଫଳ କରିପାରିବି’ । ଏହି ଟ୍ବିଟକୁ ଶିଳ୍ପା ପିଏମଓ ଇଣ୍ଡିଆ ଏବଂ ଖେଳ ମନ୍ତ୍ରୀ କିରଣ ରିଜିଜୁଙ୍କୁ ମଧ୍ୟ ଟ୍ୟାଗ କରିଛନ୍ତି ।
ପ୍ରକାଶ ଥାଉକି ପିଏମ ମୋଦିଙ୍କ ଏହି ଫିଟ୍ ଇଣ୍ଡିଆ ଅଭିଯାନରେ ଇଣ୍ଡିଆ ଅଲମ୍ପିକ ଆସୋସିଏସନ, ନ୍ୟାସନାଲ ସ୍ପୋର୍ଟସ ଫେଡରେଶନ, ସରକାରୀ ଅଧିକାରୀ ଏବଂ ଫିଟନେସ ପ୍ରତି ଧ୍ୟାନ ଦେଇଥିବା ଲୋକଙ୍କୁ ସାମିଲ କରାଯାଇଛି । ସରକାରଙ୍କ ଏହି ଅଭିଯାନ ଅଗଷ୍ଟ 29ରେ ଲଞ୍ଚ ହେବାକୁ ଯାଉଛି ।
ଯଦି ଶିଳ୍ପାଙ୍କ କଥା ହେବା ତେବେ ସେ ପାଖାପାଖି 13 ବର୍ଷ ପରେ ବଲିଉଡରେ କମବ୍ୟାକ କରିବାକୁ ଯାଉଛନ୍ତି । ସେ ଫିଲ୍ମ ‘ନିକମ୍ମା’ରେ ନଜର ଆସିବେ । ସେ ନିକଟରେ ଏହି ଫିଲ୍ମର ସୁଟିଂ ଆରମ୍ଭ କରିଥିଲେ ।
